This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kopa1

1. ‑nga [Ranginui & Papatūānuku] mahp, ing, āhua. Kua kore i rere tōtika, kua whai koki kē. (i) Kia tūpā tonu (ngā kuka), arā kia pāraharaha, kia kaua e kopa (W 135). (ii) Kaua e whakamahia te paoka hei tango mai i te taupoki nā, kei kopa. {kokopa, manana, noni, pehu3 (2), piko, pīwari}

2. ‑nga [Tāwhirimātea] Kāore e tika te hīkoi i te mea kua whara, kua hē rānei tētahi o ngā waewae, ngā waewae e rua rānei. Kua kopa a kuia i te kino o ngā hoipū i ana rekereke.  hauā (3)

3. ‑nga [Whiro] āhua, ing, mahp. Me uaua ka taea te neke (i te tinana) i te mea kua whara, kua tino hē rānei i tētahi mate. Kua tohu ngā tūranga waka mō te hunga kopa.  hauā (1)

4. ‑nga [Ranginui & Papatūānuku] ing, mahp, āhua. He rārangi, he tohu rānei ka noho mai ina whētuia, ina pēhia, ina kopenutia rānei tētahi mea. (i) Ka haeanatia atu ngā kopa i tana hāte. (ii) Whētuia te pepa tapawhā kia haurua, ka whewhera mai ai - ko te kopa e tohu ana i te rārangi hangarite. (iii) He pai tēnei papanga mō te tarau - kāore e kopa pērā i te rīnena. {kopakopa}

5. [Tāne] ing. He kete iti ka rangā tētahi taha kia roa ake i tētahi kia pai ai te taupoki i te waha. He mōtoi taringa nō roto i te kopa (W 135). {honae, pakipaki1 (4), tākopa}

kopa whakawiri tītoki [Tāne] He kete pūputu ka whakawiria hei kotē mai i te hinu o te tītoki. Ka opehia ngā tītoki ki roto i te kopa whakawiri tītoki, ka kurua, ka taona, ka whakawiria kia puta ai te hinu. {ngehingehi, 5}

6. [Tāne] ing, āhua. He hanga āhua rite ki te hū e kuhuna atu ai te waewae, engari he here noa iho, he ruruku rānei a runga, e mau pai ai, e kore ai e pahuhu. He pai ake ngā kopa i ngā kamupūtu i te raumati, i te mea kāore e tino wera ō waewae.  pārekereke2 (1)

7. [Papatūānuku] ing. He rua ka keria hei wāhi tao kai ki te kōhatu wera. E kongange ana te kopa (W 135).  hāngi (1)

8. [Tangaroa] He mātaitai whai kokopi kōwhiuwhiu te hanga. Pecten novaezelandiae.  tipa1 (1)

kopa2

1. ‑nga [Ranginui & Papatūānuku] mahp, ing, āhua. Kua kore e kitea e te kanohi. (i) Kīhai i kopa te marama kua kitea tōna hapū (W 135). (ii) Ki te iwi ka kopa ki te ana o Rangitotohu (W 135).  ngaro1 (1)

2. ‑nga [Tāne] Ka āta neke haere i te hau takiwā (o te manu, te waka rererangi, tētahi atu hanga whai parirau rānei). He toroa awe nui e kopa ana ia ki te muri (W 135).  rere (1)

kopa3

1. [Tāne] ing. He papa e toro whakawaho ana mai i te pakitara o te whare, he tuanui whakamarumaru tōna. E puta ki waho rā, kia tāpapa koe te kopa o te whare (W 135).  mahau (1)

2. [Tāne] Te wāhi ki te taha mauī ina kuhu te tangata ki roto i te wharenui. E moe ana te rangatira i te kopa o te whare. {(kopa iti), (mata kopa), tara4 (tara iti), tara4 (tara o Tawheo), tara4 (tara whāiti)}

kopa iti [Tāne] Te wāhi ki te taha mauī ina kuhu te tangata ki roto i te wharenui. Ko te rangatira o te iwi kāinga ka noho ki te kopa iti o te whare.  kopa3 (2)

mata kopa [Tāne] Te wāhi ki te taha mauī ina kuhu te tangata ki roto i te wharenui. E takoto ana ngā moenga o te tangata whenua i te mata kopa o te whare.  kopa3 (2)

kōpā

1. ‑nga ‑tanga [Whiro] mahp, ing, āhua. Ka uaua te neke, te whakapiko rānei (i tētahi wāhi o te tinana), ka āhua kēkerewai anō. (i) Kua kōpā ngā waewae i te roa rawa e noho ana ki te papa. (ii) Kua kōpā taku kakī i ngā pera mārō o te mōtēra.

2. ‑nga ‑tanga [Papatūānuku] Ka kukū, ka totoka haere rānei (o ngā wē pēnei i te toto). Kua kōpā te toto o te tūāhu o te tangata rā (W 135).  tepe (1)

3. ‑nga ‑tanga [Ranginui & Papatūānuku] Ka tino piri, ka apiapi te noho tahi, te tū tahi rānei. Ka kōpā kē atu hoki tā rātou noho ko ana tēina, tuākana (TTR 5, 38).  kōpipiri (1)