This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kono

1. [Tāne] ing. He koki, he ānau rānei i tētahi mea roa pēnei i te huarahi, i te awa, i te paipa, i te aha atu. Me āta haere i ngā kono, kei kotiti te waka ki tērā taha o te huarahi.  piko (3)

2. [Tangaroa] He rārangi, he tapa, he mata, tētahi atu hanga rānei kāore e rere torotika, engari ka kopa haere mai i tētahi pito ki tētahi, pērā i te āniwaniwa. He maha ngā kono i roto i ngā tauira kōwhaiwhai.  ānau1 (1)

3. [Tāne] He porohita, he hanga āhua rite rānei ki te porohita, ka mahia mai ki tētahi mea pērā i te taura, i te aho, i te miro rānei. Ka meatia te tukuwai kia takoto ā-kono mai ki te papa.  koropewa (2)

4. [Tāne] He aho ka herea kia āhua porohita mai te hanga, kia mahuhu anō te pona, ina kumea, kua kikī haere. Me te kono here-taniwha (W 134).  kaha2 (3)

5. [Tāne] He here āhua rite ki te pūreke ka oti mai ina kuhuna tētahi pito o te taura, o te aho, o tētahi hanga pērā rānei, ki roto atu i tētahi atu wāhanga ōna kua oti te whakakoropewa, me te kukume kia kikī. Kaua e kūmea te kono kia kikī rawa, kei kore noa e taea te wewete anō.  pona (1)

6. [Tāne] He hanga iti, he pāpaku, ka rangā ki te harakeke hei takotoranga kai maoa. Kī ana taku kono i te ika me te kūmara.  rourou

7. [Tangaroa] He taputapu whai kakau, he arearenga pāpaku kei te pito, he taputapu hei whāngai kai ki te waha, hei tohatoha, hei kōrorirori kai, hei aha atu, hei aha atu. Kōrorihia te pāreti ki te kono rākau nā.  pune