This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kohuki

1. ‑nga ‑tanga [Tāwhirimātea] mahp, ing, āhua. Ka neke kia anga kē te titiro, te tū, te noho rānei. Kātahi anō ka kohuki te whakaaro o te tamāhine ki te tito waiata māna (W 126).  huri1 (4)

2. ‑nga ‑tanga [Tāne] Ka tino mārama te kitea atu i te mea e tū motuhake mai ana i tētahi mata, e mōhio whānuitia ana rānei. Ka kohuki rā te mātārae ki ngā wai riporipo o te roto.  kōhure (3)

3. ‑a ‑tia ‑nga ‑tanga [Ranginui & Papatūānuku] mahw, ing, āhua. Ka akiaki, ka whakahau rānei i te tangata kia mahi i tētahi mahi. He aha ngā āhuatanga nāna ia i kohuki kia whai i ngā whakapapa o tōna iwi?  whana1 (5)

4. ‑a ‑hia ‑tia ‑nga ‑tanga [Tūmatauenga] Ka titi i te ika, i te manu, i te aha atu ki te rākau kia pai ai te tunutunu ki te ahi. Ka kohukitia te poaka, mai o tana ihu ki tana tero, ka whakarewaina ki runga ake o te ngārahu.  huki (1)

5. ‑a ‑tia ‑nga ‑tanga [Tāne] mahw, ing, mahp, āhua. Ka āta tirotiro, ka āta poipoi ki te hinengaro. I te wā i noho wehe ai rātou, ka whai wāhi rātou ki te whakaaroaro me te kohuki e pēhea ana rātou (TTR 2, 132).  whakaaroaro

6. [Tāne] ing. He rākau koi roa ka titia ki te kiko o te manu, o te aha, kia pai ai te tunutunu ki te ahi. Ka tahuna he ahi hei tunutunu i ngā manu ki te kohuki.  huki (6)

7. [Whiro] Te mamae tino kino (o te ngākau), te āwangawanga tino kino. Ngau ana tērā te kohuki i te mōhiotanga iho nāna i waiho te keti kia huaki, i toremi ai tana irāmutu.