This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kohimu

1. ‑tia ‑tanga [Tūmatauenga] mahp, ing, mahw, āhua. Ka kōrero me te waiho mā te hā anake e kawe ngā kupu, kaua te reo, kia kore ai e rangona whānuitia te kōrero. (i) I a rāua i te whare pikitia ka kohimu atu ia ki tana hoa, kia kore ai ētahi atu e rongo. (ii) Ka kohimutia atu ki tana taringa te ingoa o te kiriata hei whakaari māna ki tana tīma.  kōhimuhimu (1)

2. ‑tia ‑tanga [Tūmatauenga] Ka kōrero kino mō te tangata i a ia e ngaro ana. Kāti te kohimu. Mēnā i konei ia e kore rawa kōrua e kōrero pēnā mōna.  ngau1 (ngau tuarā)

3. ‑tia ‑tanga [Tūmatauenga] Ka harihari kōrero mō te tangata, ehara pea i te kōrero pai, i te kōrero pono rānei. E kohimu ana ngā wāhine mō te pūremu a Pareārau. {kapekapetau, kapetau, kauhimu, muna}

4. ‑tia ‑tanga [Tūmatauenga] mahw, ing, āhua. Ka kōrero kino mō te tangata, mō tētahi kaupapa rānei, i runga i tō hiahia kia kino tōna rongo, kia heke tōna mana. I kohimutia e ia te kura, e mate nei te hau kāinga ki te whakatika.  tūtara (4)

5. [Tūmatauenga] ing. He kōrero ka hariharia e te tangata, ehara pea i te kōrero pai, i te kōrero pono rānei. Kei te tika anō te kohimu kua rongo nei au mō kōrua ko Tame? {ngutu, pakiwaitara, paopao3, pōtinitini, taiaroa, tara2 (2), tūtara}