This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kiwi

1. [Tāne] ing. He ingoa whānui mō te manu māori rongonui i te ao, he manu rerekore, he roa ngā ngutu, kei te pito o ngā ngutu ngā pongāihu, he taratara ngā huruhuru, he mātotoru ngā waewae, he manu haere pō. Mehemea ka poāi te kiwi, he uwha taua manu (W 286). Apteryx spp. {ngutu (ngutu roa)}

kiwi karuwai [Tāne] He manu ngutu roa, kāore e rere, nō te taha uru o Te Waipounamu. Apteryx haastii.  roa2

kiwi kura [Tāne] He manu ngutu roa, kāore e rere, nō Te Ika-a-Māui, he noho ngahere, he noho wao, he kiwikiwi, he parauri ngā huruhuru taratara, he tāekaeka pango kei ngā huruhuru, he waewae mātotoru, he manu haere pō. Apteryx mantelli. {(kiwi nui), (kiwi parure)}

kiwi nui [Tāne] He manu ngutu roa, kāore e rere, nō Te Ika-a-Māui. Apteryx mantelli.  (kiwi kura)

kiwi parure [Tāne] He manu ngutu roa, kāore e rere, nō Te Ika-a-Māui. Apteryx mantelli.  (kiwi kura)

kiwi pukupuku [Tāne] āhua. He manu ngutu roa, kāore e rere, nō Te Waipounamu, he noho ngahere, he noho wao, he kōwhai kiwikiwi ngā huruhuru, he tāingoingo, he tāekaeka parauri pango kei ngā huruhuru, he waewae mātotoru, he manu haere pō. Apteryx owenii.

2. [Tāne] ing. He manu ngutu roa, kāore e rere, nō Te Waipounamu. Apteryx australis.  tokoeka