This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kiko

1. [Tāne] ing, āhua, tūkē. Ngā wāhanga ngohengohe o te tinana, arā, ngā uaua me te mōmona.  Whakamahia ai ko te takitini o tēnei kupu i te nuinga o te wā. (i) Ko tētahi o ngā waewae i kitea, kua pau ngā kiko o te hūhā te tapahi atu - e mea ana ngā Pākehā i kainga taua tangata (WMA 1, 25). (ii) Ka kite iho au kua motu te kiko o te tupehau o taku waewae (HP 21). (iii) Kotahi tonu te Pākehā i mate rawa ki konei, kotahi hoki i tū ā-kiko, he rangatira (WMA 3, 57).

2. [Ranginui & Papatūānuku] ing, āhua. Te hanga (o te tangata, te kararehe rānei) e kitea ana e te karu, arā, ko te kiko tonu, tae atu hoki ki ngā kōiwi me ngā whēkau e mau mai ana ki roto. Kei reira tārewa ai tō kiko whakairo (W 117).  tinana (1)

3. [Tūmatauenga] ing. Te upoko o te rākau whawhai, o te taputapu rānei. Ka takaia te kiko o te toki ki te kakau, ka titia atu he mātiti ki raro i ngā takā kia kikī ai. {kikokiko}

4. [Papatūānuku] Te pū (i te tinana wahine, i te tinana uwha) atu i te kauraho ki te kōpū.  tara6

5. [Tūmatauenga] He tāne, he wahine rānei.  tangata (1)

kiko whakarawaka [Whiro] He tangata karo mahi, he māngere. E kore e oti he mahi i tēnā kiko whakarawaka.  kaipaoe (2)

kiko whakarawaka [Tāwhirimātea] He tangata haere noa, maewa noa ki hea, ki hea, kāore ōna kāinga tūturu, kāore e mahi ana, kāore rānei e hiahia ki te mahi.  kaikora (1)