This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



keha1

[Tāne] ing. He manu āhua nui tonu noho maunga. Nestor notabilis.  kea1

keha2

1. [Whiro] ing. He pepeke moroiti kai toto, he kaha ki te peke, he parauri, he pango te tae, he mārō te tinana tāpapa. Kāore e mutu te rakuraku a te kurī i te kaikainga e te keha.  puruhi1

2. [Tāne] Te wai hāwaniwani ka rere i te ihu. Kotahi noa iho te whengutanga, kī katoa ana te aikiha i te keha.  hūpē (1)

3. [Tāne] Te wai mā ka paratī mai i te ure o te tāne, o te toa rānei ina tokomauri ia. Ka ai te tāne me te wahine ka paratī mai te keha i te ure o te tāne.  waitātea

4. [Ranginui & Papatūānuku] Te tamaiti a tētahi tangata.  uri1 (1)

5. [Tāne] Te wāhi whakarunga o ngā waewae o te tangata mai i te hope ki ngā turi. Ka whakatakoto ia i tana rorohiko pona ki tana keha, ka huaki, ka tīmata ki te paopao kōrero.  kūwhā

6. ‑nga ‑tanga [Whiro] ing, mahp, āhua. Tā te ihu i rongo ai (o ngā mea kino anake). He keha te kānga kōpiro ki ētahi, he kakara ki ētahi.  haunga

7. ‑nga ‑tanga [Ranginui] āhua, ing, mahp. E hātea ana, e āhua mā ana te tae. (i) Ka kitea ngā nanekoti i waenga i ngā rākau i te āhua keha o ngā huruhuru. (ii) Ko Hina keha tērā e tīaho mai rā.  kōmā