This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kawe

1. ‑a ‑nga [Tūmatauenga] mahw, ing, āhua. Ka neke i tētahi mea atu i tētahi wāhi ki tētahi. (i) Kawea atu ngā whāriki nei ki waho. (ii) I te rongonga o Ngā Puhi ka mōhio ratou i te kawe kōrero a Mākehu (NM4 329 Kwm). (iii) Kotahi tau te whānau e kawe ana i tōna mate ki ngā marae o te rohe.  hari2

kawe kē [Tūmatauenga] Ka mahi kia rerekē te aronga e whāia ana e tētahi mea, kia ahu atu taua mea ki wāhi kē. Kaua hoki e kawea kētia te ihu o te waka i te putanga mai o te rā (W 111).  pare2 (2)

kawe kē [Tūmatauenga] Ka mahi kia rerekē tētahi mea, kia whai āhua kē noa atu, kia whai hanga kē noa atu. (i) I kawea kētia e ia tōna ingoa ko Ihungarupaea (W 111). (ii) I kawea kētia te huarahi kia kore ai e waipuke ina kaha te ua.  whakarerekē

kawe a riri [Tūmatauenga] ing. He tūtakinga nā ētahi ope taua e rua, neke atu, e whawhai ai tētahi taha ki tētahi. Tēnei tō mauri ko Tiki Kaitangata, e tū ai koe ki te kawe a riri, nā! (NM4 364, 10)  pakanga

2. ‑a ‑nga [Tūmatauenga] mahw, ing, āhua. Ka haere atu ka nanao atu i tētahi mea, ka whakahoki mai ai. E tā, kawea atu tētahi wai mōku (W 111).  tiki1 (1)

3. ‑a ‑nga [Tūmatauenga] Ka whakapau kaha kia tahuri ai te tangata ki tētahi mahi, ki tāu rānei e hiahia ana i a ia, mā te kukume i ana whakaaro. I hoatu anō he moni hei kawe i ngā tāngata kia whakaae ki tāna i pīrangi ai.  poapoa (2)

4. ‑a ‑nga [Tūmatauenga] Ka kukume ā-hinengaro i te tangata, kia mahi ai ia i tētahi mahi e hiahia ana koe kia mahia e ia, kia huri rānei ana whakaaro. (i) Kei kawea tō tamaiti e ngā tamariki kino o taua kura. (ii) Nā wai rā i kawe ōna whakaaro kia pērā rawa te rerekē? {kawekawe}

5. ‑nga [Tūmatauenga] mahp, ing, āhua. Ka ū tonu ki tētahi mahi, ki tētahi whakaaro rānei, ahakoa e uaua ana, e whakahētia ana rānei e ētahi atu. Ka kawe nei a Tinirau ki te rapu utu mō tana tamaiti (W 111).  tohe (1)

6. [Tāne] ing. He here hei whakamau i te pīkaunga ki te tuarā. Tuia te kawe, tairanga te kawe, ko te kawe o te haere (W 111). {kahaki, kawerapa, taueki}

7. [Tāne] Ngā puritanga ringa o te kete. Kia whiri tuapuku te whiri mō ngā kawe o te kete.  kīwai (1)

8. [Rūaumoko] Te koropetau ka tāia ki te pāpāringa.