This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kawau1

[Tāne] ing. He manu wai māori, wai tai, he manu nui tonu, he pango a runga, he mā a raro, he karu kahurangi. Phalacrocorax varius. {aroarotea, kāruhiruhi, koau}

kawau mārō [Tūmatauenga] He momo kōkiri nā te ope taua e koi ai a mua o te taua, ka whānui haere i te hokinga whakamuri. Ka piri tahi te taua, kāore e raharaha. (i) Ko tērā kupu ko te 'kawau mārō' nō te pakanga, arā mō te matua he mea whakakokoi te tū whakamua, ā, ka whakaeke ana, kāore rawa e hoki mai kāore hoki e marara (IwiT 25:12). (ii) He momo kōkiri anō hoki te kawau mārō, pēnei i te manawa rere, engari me tiki atu ko te āhua o te waka hei whakaahua i a ia - he ihu tōna, me kī, ā, ka riro mā te ihu e wāwāhi ngā ngaru, kaua te takere o te waka. He whēnei anō te āhua o te kawau mārō i roto i te whawhai (HM 8, 2). {poupoutahi, takitakitū, takitū}

kawau moe roa [Tāne] He ingoa mō te hīnaki, te māhanga hopu manu me te kupenga ka waiho kia roa tonu ki te mahi i tāna mahi. Āu mahi e te kawau moe roa (W 110).

kawau pāteketeke [Tāne] He manu wai tai, he pango te upoko, te pare, te ua, te kakī me te tuarā. Stictocarbo punctatus punctatus.  (kawau tikitiki)

kawau pū [Tāne] He manu wai māori, wai tai, he manu āhua nui tonu, he pango ngā huruhuru me te pare, he kōwhai te pī o ngā ngutu, he mā ngā pāpāringa me te kauae. Phalacrocorax carbo novaehollandiae. {(kawau tuawhenua), māpo, māpua, māpunga, matapo, pāpua}

kawau pū [Tūmatauenga] He kupu whakarite mō te rangatira. Kotahi te kupu a te kawau pū, kua tahuri te iwi ki te whakatinana.  tētēkura (2)

kawau teoteo [Tāne] He manu wai māori, wai tai. Phalacrocorax melanoleucos.  kawaupaka

kawau tīeke [Tāne] He manu wai māori, wai tai. Phalacrocorax melanoleucos.  kawaupaka

kawau tikitiki [Tāne] He manu wai tai, he pango te upoko, te pare, te ua, te kakī me te tuarā, he parauri kiwikiwi ngā parirau, he tāwakawaka mā ka heke i te karu ki te kakī, he kanohi kākāriki, he wae karaka. Stictocarbo punctatus punctatus. {(kawau pāteketeke), pārekareka2}

kawau tuawhenua [Tāne] He manu wai māori, wai tai, he manu āhua nui tonu. Phalacrocorax carbo novaehollandiae.  (kawau pū)

kawau tūī [Tāne] He manu wai māori, wai tai, he pango ngā huruhuru, he kahurangi te korokoro, he kororā, he kahurangi ngā ngutu, he karu kākāriki. Phalacrocorax sulcirostris.

kawau2

1. [Tāne] ing. Te kakau o te kāheru. Na, puritia te kawau o te kāheru, ka pou atu ai ki te oneone.

2. [Tūmatauenga] Te tinana o te tao. Ko te kawau te wāhanga o te tao ka puritia ki te ringaringa. {kakau}

kāwau

[Rongo] ing. He momo kūmara, he whero te āhua.