This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



karo1

1. ‑a ‑nga [Tūmatauenga] mahw, ing, mahp, āhua. Ka papare atu i te rere mai a te rākau whawhai. (i) He tao huata e taea te karo, he tao kī, e kore e taea (NP 735). (ii) I tana ohorere, kore rawa ia i tere ki te karo i a ia, ā, ka patua e Tūteaomārama, ka mate (IwiT 30:5). {kakaro, turou1, tūrourou, whakangungu, whakaputa}

2. ‑a ‑nga [Tūmatauenga] Ka neke, ka mahi rānei i tētahi mahi e kore ai tētahi āhuatanga kino e tau ki runga i a koe. (i) Ko te mea hei titiro ake mā tātou ko te rapu i tētahi tikanga hei karo ake i ēnei taumahatanga (TT 2, wh6). (ii) Nā te ringaringa kaha o Aituā kāore nei i taea te karo, ka riro koe i te tīmatanga anō o ōu rā (TT 82, 796). (iii) Kei te karo kē tērā i te mahi, koirā ia i haere ai ki muri rā anō. (iv) Ahakoa ngā whakapae e rere ana, e karo ana a ia i te katoa.

karo2

‑a ‑nga [Tūmatauenga] mahw, ing, āhua. Ka tango ake, ka koko ake (i tētahi mea e mau mai ana ki roto i tētahi atu hanga) ki te mati, ki te taputapu rānei. Karo ai ia i ngā matū i roto i te wheua poaka.  tīkaro (1)

karo3

1. [Tāne] ing. He rākau e 9 mita te tupu, he hohoko te tipu o ngā rau, he kōratarata a runga, he horotea te angamate, he kurauri, he kakara ngā pua, he pango, he hāpiapia ngā kākano, he poi iti te pākākano. Pittosporum crassifolium. {kaikaro1, kīhihi}

2. [Tāne] He rākau iti 1-2 mita te tupu ki runga i tētahi atu rākau nui. Pittosporum cornifolium.  tāwhiri (tāwhiri karo)

karo4

[Papatūānuku] ing. Ngā taihemahema whakawaho o te wahine. Tino kore nei e kitea pokerehūtia te karo o te wahine mau rāpaki.  aroaro (3)

karo5

[Ranginui] tūkē. I tētahi wā poto i muri mai; ā tōna wā tūtata (ka puta tētahi āhuatanga). (i) Karo tāua ka haere (W 102). (ii) Karo tāua (W 102).  taihoa (1)