This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



karihi

1. [Tāne] ing. Te kākano mārō kei te pokapū o ētahi momo huarākau. He karihi anō tō te paramu, te pītiti me te āperekoti. {anga2 (5), iwi, nape2, nganga, whatu1 (2)}

2. [Tangaroa] He kōhatu ka purua atu ki te kōpua i te taha whakararo o te kaharoa kia noho tonu ai tērā pito ki raro i te wai. Kua oti ngā kupenga rā te tātai, piri atu anō ngā karihi (W 101).

3. [Papatūānuku] Ngā taihemahema whakawaho o te wahine. Ko te maro te tino pūweru o nehe hei huna i te karihi o te wahine, i te ure o te tāne.  aroaro (3)

4. [Tāne] Ngā repe e rua o te tāne, o te toa rānei o ngā kararehe whāngote, koia te wāhi e mahia ai te tātea. I pokaina ngā karihi o te tāriana e te rata kararehe.  raho1 (1)

5. [Tāne] Te pūtake o ngā pakitara o te whare. Ka oti ngā pakitara, ka uhia te karihi ki te pōitoito. {karuhi}

6. [Tāne] Ngā hanga mārō i te waha e taea ai te ngau, te ngaungau. Ka tangoa katoahia ngā karihi ka mahia mai he niho tūpāpaku mōna.  niho (1)

karihi tupu [Tāne] He niho hou. Nā te kuia tonu o te pēpē te pūniho i tapahi ki tana matikuku kia puta mai ai te karihi tupu.

7. [Tāne] hou. Te wāhanga āhua porohita o te pūtau tipu, te pūtau kararehe rānei e noho mai ai te pītauira. Mā te karu whārahi hiko e āta kitea ai te karihi o te pūtau.

8. [Ranginui] hou. Te pokapū o te ngota e noho mai ai ngā iraoho me ngā iramoe, e amiotia ana e ngā irahiko. He tino ririki te karihi engari he whana tōrunga tōna.

9. ‑tia ‑tanga [Tangaroa] mahw, ing, āhua. Ka whakamau atu i ngā kōhatu whakatotohu i te kupenga. Ka tukua mai te karere ki taua tangata ki te karihi i tana kupenga (W 101).

10. ‑tia ‑tanga [Tāne] Ka ngau (i te kai mārō, i te kai kōtihetihe) ki ngā niho e pakē ai i te ngaunga. E karihi ana ia i tana āporo, me te rongo atu a te katoa!

karihi te niho [Tūmatauenga] kīw. Ka patu i te hoariri kia hinga. Ko Tūwhakairikawa, nāna i karihi te niho o Taranaki . . . Ka karihitia anō te niho o Taranaki; ka hinga tana parekura ko Ngāngutumaioro (W 101).

11. ‑tanga [Tāne] mahp, ing, āhua. Ka tere, ka poto anō te titiro atu (ki tētahi mea). Ka karihi ngā kamo ki muri, āe rānei e arumia ana ia e te tangata rā?  karapa (3)

12. [Ranginui] āhua. hou. E pā ana ki te pokapū o te ngota me ōna āhuatanga, ki te pūngao rānei ka hua ake ina wehea te karihi o te ngota, ina honoa rānei ki te karihi o tētahi atu ngota. (i) He kaha te whirinaki o ētahi whenua ki te pūngao karihi. (ii) E kore e ora he aha i te pakanga karihi nui tonu.