This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



karaka1

1. [Tāne] ing. He rākau 15 mita te tupu, he kārikiuri, he kōratarata ngā rau, he pua karera pūhui roa te tupu, he karaka, he nui ngā hua. Corynocarpus laevigatus. {kōpī}

karaka huarua [Tāne] He rākau iti nō te whānau karaka. Corynocarpus sp.  (karaka ōturu)

karaka ōturu [Tāne] He rākau nō te whānau karaka engari kāore i rite ki te karaka te teitei o te tupu. He rākau ka kitea i Pātea. Corynocarpus sp. {(karaka huarua)}

karaka maoa [Tūmatauenga] He tangata kāore e mōhio ki te kauhoe. Me kauhoe atu ngā rewa, ko ngā karaka maoa mā runga waka. {ngū, pārera (pārera maunu)}

2. [Tangaroa] He pounamu uriuri tonu te tae.  kawakawa1 (2)

3. [Tāne] He tōtara tāne. Podocarpus totara.  kōtukutuku (2)

4. [Tangaroa] He mātaitai pōtaka pūhuki te hanga. Cookia sulcata.  kāeo (1)

5. [Tangaroa] He mātaitai pōtaka pūhuki te hanga. Astraea heliotropium.  ripo matamata

6. ‑tanga [Ranginui] āhua, ing, mahp, tūkē. hou. E rite ana ki te hua maoa o te karaka te tae. Ki te hiahia koe kia peita karaka, natua te peita whero ki te peita kōwhai. {ārani, para1 (para karaka)}

karaka2

[Tāne] ing. reo kē. He tangata ka tiaki i ngā tuhinga kōrero, i ngā kaute o te tari, me te mahi anō pea i ētahi atu mahi o te tari e pērā ana te āhua. (i) Waiho ana mā te karaka e tiki atu ngā kōnae e hāngai ana, me te whakahoki atu anō. (ii) Me whakamārama ki taua karaka o te komiti te āhua o te hara, o te nama moni, taonga rānei e tonoa ana (HTK 2, 26).

karaka3

[Ranginui] ing. reo kē. He taputapu hei whakaatu i te takanga o ngā hāora o te rā, ka iri mai ki te pakitara, ka tū motuhake rānei ki tētahi wāhi. E rua ngā ringa o te nuinga o ngā karaka kia mōhiotia ai ngā mēneti me ngā hāora. {matawā}