This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



kairangi1

1. [Ranginui] ing. He piko ānau he maha ōna tae ka kitea e tū mai ana i te rangi ina kōuaua, ina ua. Kitea ana ngā tae katoa o te kairangi i roto i ngā mirumiru e pūhia ana e ngā tamariki.  āniwaniwa (1)

2. [Tangaroa] ing, āhua. He momo pounamu i tino kaingākautia, kei runga noa atu tōna pai i tō ētahi atu. He mere kairangi te taonga i hoatu e te koroua rā, hei tohu kua tau te rongomau i waenganui i ngā iwi e rua.

3. [Tūmatauenga] ing. Te upoko, te kaiārahi o tētahi iwi, he tangata whai mana i roto i te iwi. I te matenga o te kairangi, ka hinga te kaupapa kua toru tekau tau e arahina ana e ia.  rangatira (1)

4. [Ranginui & Papatūānuku] ing, āhua. He kupu e tohu ana i te tangata e aroha nuitia ana. (i) E kore e kitea tētahi pēnā i a koe, e taku kairangi. (ii) Riro tonu ko Mīria hai kairangi mō te rōpū nei, ā, ko ia anake te mema pūmau ā mate noa ia (TTR 4, 142).  tau3 (3)

5. ‑tanga [Ranginui & Papatūānuku] āhua, ing, mahp. Kei te taumata teitei tōna pai, tōna ātaahua, tōna tōtika. Nā te tino tohunga ēnā whakairo kairangi.

kairangi2

‑tanga ‑hanga [Ranginui & Papatūānuku] mahp, ing, āhua. Kāore e tau ngā whakaaro i te kore e mōhio he aha ka pā; kāore e ū ngā whakaaro i te mea e māharahara ana.  ārangi