This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



iwi

1. [Tāne] ing. He huinga whānau, he huinga hapū, ka heke mai ō rātou kāwai whakapapa i te tupuna kotahi. E hoki koe ki tō iwi ki a Ngāti Awa kia poipoia koe e ō kuia. {ikanga, mātāwaka, matawaka, pori, 1 (1), puninga, pūtoi}

2. [Tāne] Te katoa o ngā tāngata o tētahi whenua, o tētahi hapori rānei. (i) Waiho mā te iwi e kōrero ō painga, kaua māu. (ii) Ka tukuna ngā pānui pōtitanga ki te iwi nui tonu. {pori}

3. [Tāne] He karangatanga tāngata nui tonu he āhuatanga ō rātou e motuhake ai, e rerekē ai rātou i ētahi atu huinga tāngata nui o te ao, pērā i te tae o te kiri, i tō rātou reo mātāmua, i ō rātou whenua tuku iho, i ā rātou kōrero tuku iho, i ā rātou tikanga tuku iho. (i) Ka kore te reo Māori, ka kore te iwi Māori (HP 32). (ii) Kātahi pea mātau ka rato i te pū, i te paura, i te paraikete, i te tupeka, i te toki me ērā atu taonga maha noa a te iwi Pākehā (PH 5, 9). (iii) Ka whiti atu i te rohe o Parakana, he iwi rerekē noa atu te āhua, rerekē hoki ngā kahu, rerekē ngā tikanga (PH 5, 8). {momo}

4. [Tāne] ing, āhua. Ngā hanga mārō kōmā te tae kei te tinana, e tautoko ana i ngā wāhanga kikokiko pērā i ngā uaua, e tiaki ana anō hoki i ngā whēkau. Ka hahua ake ngā iwi o te tūpāpaku, ka horoia, ka haria ki tētahi ana takoto ai.  kōiwi (1)

iwi kaupeka [Whiro] ing. He ringaringa, he waewae rānei e ngoikore ana te tupu o ngā uaua. Engari he iwi kaupeka te tupu o te tangata (W 108).

5. [Tāne] Te kākano mārō kei te pokapū o ētahi momo huarākau. Me tango te iwi o te paramu kia kore ai te tamaiti e rāoa.  karihi (1)