This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



huri1

1. ‑hia ‑a ‑nga ‑hanga [Tāwhirimātea] mahw, ing, āhua. Ka neke (i tētahi mea) kia rerekē te ahunga. (i) Ka karanga a Kahuki, 'Hurihia te waka' (W 71). (ii) Āta hurihia te katiwai kia māturu noa mai ai te wai.

2. ‑hia ‑a ‑nga ‑hanga [Tūmatauenga] Ka mahi kia pōkia tētahi mea e tētahi atu. Kātahi ka hurihia te whenua e te moana (W 71).  taupoki (5)

3. ‑hia ‑a ‑nga ‑hanga [Tūmatauenga] Ka mahi kia rerekē tētahi mea, kia whai āhua kē noa atu, kia whai hanga kē noa atu. (i) He whakamōhio noa ake tēnei kua hurihia ngā rā e tū ai te kura tuarua kua whakaritea mō tēnei tau (HM 10, 2). (ii) Ko tēnei he tikanga tawhito ki ō rātou atua Māori. I roto i ēnei rā kua hurihia hei whakawhetai ki te Atua nui, ki a Ihowā (TT 41, wh77).  whakarerekē

4. ‑nga ‑hanga [Tāwhirimātea] mahp, ing, āhua. Ka neke kia anga kē te titiro, te tū, te noho rānei. (i) Ka huri mai ōu mata (W 71). (ii) Ka puta tō mātau waka ki te huarahi whānui, ka huri ki katau, ka mārō te haere ki Pōneke (HP 85). {aurara, kohuki, koki1 (3), tahuri, taihuri, takahiri, takahuri, tawhiro, whakataka1, whiti1 (2)}

5. ‑nga ‑hanga [Tāwhirimātea] Ka whai haere i tētahi ara porohita, taiāwhio noa i tētahi hanga e tū ana ki waenganui pū. (i) Huri ana te pō, huri ana te ao (W 71). (ii) Meatia te pūrerehua kia huri haere. Mā reira e rangona ai tōna reo. {taka2 (2), takahuri}

6. ‑hia ‑a ‑nga ‑hanga [Tāwhirimātea] mahp, ing, mahw, āhua. Ka neke tētahi mea, ka neke rānei i tētahi mea, kia noho ko runga ki raro, ko raro ki runga. Kia pakapaka tētahi taha o te ika, hurihia kia pakapaka anō ko tērā atu taha.  huripoki (1)

7. ‑nga ‑hanga [Tāwhirimātea] mahp, ing, āhua. Ka tīmata i tētahi mahi, ka whakapau kaha anō ki taua mahi. Ka huri te patupaiarehe ki te tango i ngā ngohi ki uta (W 70).  tahuri (4)

8. ‑nga ‑hanga [Tāne] Ka rerekē, ka rerekē haere rānei tētahi hanga, i te mutunga iho kua tū mai he hanga kē noa atu. (i) Ka puta mai ana i te raukatauri, kua huri hei pēpepe. (ii) He tangata Ingarihi nō muri nei i huri hei Katorika (TTR 5, 206).  riro (3)

huri2

1. [Ranginui & Papatūānuku] ing, āhua. Te wāhanga whakaputa uri o te tipu whai pua tērā ka whanake hei tipu hou; i te nuinga o te wā he iti, he mārō anō. He tangi nā te Kahukore mō tana kete huri i pirau (W 71).  kākano (1)

2. [Papatūānuku] ing. He wāhanga hou ka puta ake i te tipu, pērā i te ao, i te tā, i te rau rānei. E kore e rite ki te tī, ka tapahia tōna tinana, ka tupu ake ngā huri (W 71).  pihi1 (2)