This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



huki

1. ‑a ‑nga [Tūmatauenga] mahw, ing, āhua. Ka titi i te ika, i te manu, i te aha atu ki te rākau kia pai ai te tunutunu ki te ahi. Māu e huki ā tātou ika, māku e tahu te ahi. {kohuki, koihoka}

2. ‑a ‑nga [Tūmatauenga] Ka titi atu (i ngā huru manu) ki ngā makawe, hei whakapaipai. Ka hukia he raukura ki tana māhunga kia rite tōna āhua ki ngā Iniana o Amerika.  paerangi3

3. ‑a ‑nga [Tūmatauenga] mahw, ing, mahp, āhua. Ka kimi utu mō te mate, mō te kōhuru. Ka hukia te mate, ka ngakia te mate (W 68).  ngaki (4)

4. ‑nga [Ranginui] mahp, ing, āhua. Ka tuku, ka whakaata rānei i te aho kaha tonu, otirā he poto, he ohotata, he taratahi te āhua o te whakaputa. Ka huki te puru hiko, ohorere tonu atu au.  hiko (1)

5. ‑nga [Tūmatauenga] Ka tere, ka poto, ka ohotata anō te titiro atu (ki tētahi mea). Ka huki te kanohi ki te manu i hipa i te matapihi.

6. [Tāne] ing. He rākau koi roa ka titia ki te kiko o te manu, o te aha, kia pai ai te tunutunu ki te ahi. He mea hurihuri tonu ngā ika e tunutunua ana ki te huki. {hukihuki, kōhiku, kōhoka, kohuki, kohuku, mataahi}

7. [Tāne] ing, āhua. He karakia hei whakamutu i te rere o te toto. Kua haere a Tāwhaki ki te whakatuputupu i a ia, ki te karakia, ki te huki, arā, ki te whakamutu i te rere o ōna toto (W 68).

8. [Tāne] ing. He whare porohita te hanga, he koeko te tuanui.  Ko te āhua tēnei o ngā whare o ngā tūpuna Māori, i Hawaiki. He āhua rite pea te huki o ngā tūpuna i Hawaiki ki ngā whare tūturu o ētahi o ngā iwi o Te Moana-nui-a-Kiwa.

9. [Tāne] He karakia mō te tamaiti whānau hou, arā, he mahi nā ngā tohunga kia mau ai te mana tapu me te mana atua o te tamaiti.  pure1 (2)