This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



huhu

1. ‑tia ‑nga [Tūmatauenga] mahw, ing, āhua. Ka wewete, ka maka atu (i te taura, i te aha atu rānei). Ka rite te waka, ka huhutia te taura, ka hoe atu rātou.

2. ‑a ‑nga [Tāne] Ka wete i te tapu. E haere tapu ana mai i te tanumanga i a Tamatekapua; kātahi ka huhua, ka noa (W 66).

3. [Tāne] ing, āhua. He puta i te pakitara, i te tuanui rānei o te whare, i ngā taha rānei o te waka, kua kuhuna atu he hanga whai kōata ki roto kia uru ai te mārama, te hau, kia taea ai rānei a waho te kite atu. Kia maha tonu ngā huhu i te whare hou, kia tino mārama ai a roto.  matapihi

4. [Tāne] ing. Te torongū o te tunga rere, he hanga waewae kore, he mā, he noho rākau pirau, he kai rākau pirau, kia pakari kua whai parirau, kua tunga rere. Ki ētahi he hanga anuanu te huhu takaokeoke, ki ētahi, he tino kai. {tunga1 (tunga haere), tunga1 (tunga rākau), tunga1 (1)}

5. [Tāne] He momo tātua he mea whatu ki te whītau.

6. [Tūmatauenga] He momo tākaro e waihangatia ai ētahi āhua ki tētahi aho koru e mau ana ki ngā mati o ngā ringa e rua.  whai1 (4)

7. ‑nga [Tāne] āhua, ing, mahp. Tino kino te tūpuhi me te ngoikore anō. Kua huhu rā i tana mate pukupuku.  whīroki (2)

huhū

1. ‑nga ‑tanga [Tāne] mahp, ing, āhua. Ka whakaputa oro ukiuki, he mārū, he ngateri anō pea, pērā i te rere a te pī, a te ngaro. I rangona kautia ake e ia ki te huhū o te patu e haere iho ana ki tōna angaanga (W 64).  tamumu

2. ‑nga ‑tanga [Rūaumoko] Ka whakaputa oro āhua hākirikiri nei, e āhua rite ana ki te kupu 'hū' te tangi (o te kararehe, te tangata, tētahi atu hanga rānei). Hōkio manu rā e huhū i te rangi (IwiT 50:16).  2 (4)

3. [Tāne] ing. He taonga tākaro ka hangā ki te rākau, he whāiti he pāraharaha, he pororapa te rau, ka whakamaua he here ki tētahi pito, ka herea atu he kakau ki tērā. Ka mau te ringa ki te kakau, kātahi ka piua haeretia ki runga ake i te upoko, ka kaha ake te piu, ka kaha ake te rorohū o te taonga nei.  pūrerehua (3)

4. ‑nga ‑tanga [Tāne] ing, mahp, āhua. He mate kōpiro e kaha ai, e tino waiwai ai te tiko. Ka ngau te puku, taro kau iho kua huhū.  tikotiko