This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hua1

1. [Tāne] ing. Te wāhanga o te rākau, o te tipu rānei kei reira e noho mai ana ngā kākano, ngā karihi. (i) He koroī te hua o te kahikatea. (ii) Ko te kōnini te hua o te kōtukutuku, he kai. (iii) Kua tautau ngā peka o te āporo i te nui o te hua. (iv) He tākuru te hua o te rīwai, kāore e kainga.

huarākau [Tāne] He hua ka tipu ki te rākau, he kākano, he karihi rānei kei te pū, ko te wāhi kikokiko e horopaki ana i ēnei ka kainga. Ka hoki mai ia ki te kāinga i ētahi ahiahi rawa, ka riro mai te mahi a te āporo, a te pītiti, a te paramu, a te aperekoti, a te rēmana hoki. He roa kātahi anō mātau ka kite i ēnei huarākau (HP 28). {huarākau}

2. [Tāne] He hanga āhua porotaka ka whānau mai i te uwha manu, i te uwha ika, i te uwha ngārara, i te uwha hātaretare rānei, ki te whakakikiritia te kākano o roto, tērā tonu ka tipu mai he uri hou. Ka kīia ngā hua a te ika he toene.

3. ‑nga [Papatūānuku] ing, mahp. hou. Te pēpē, te punua rānei e whanake ana i te kōpū o te whaea, ki ētahi ka whāiti atu ki ngā wiki e waru mai i te hapūtanga. Ka hono te tātea ki te kano ka whakaahua mai ko te hua.  kikiri

hua paru [Tangaroa] ing. Te wai tātea o te ika.  huatea1 (1)

4. [Tangaroa] Te huinga kākano i te wharekano o te uwha ika. Kainga ai ngā hua o ētahi momo ika e te tangata. {hākari, koua, kouaha, , pewa (pewa ika), toene2, tōhua, tōua}

5. [Ranginui & Papatūānuku] Te tamaiti a tētahi tangata. (i) Kīia iho koe e noho hei whakatupu i ā kōrua hua (W 64). (ii) He maha ngā ū o te whāereere poaka, hei whāngote i āna hua maha.  uri1 (1)

6. ‑nga [Tāne] mahp, ing, āhua. Inā kē te maha, te nui e wātea ana, kāore e wawe te pau. He tau hua, e nui ana te kai.  huhua (1)

7. ‑nga [Tāne] ing, mahp. Te tino maha, te huhua (o tētahi mea). Ka hae ki te hua o te mangō o tērā hapū (W 64).  mahi (4)

8. [Tāne] ing. Te rerekētanga ka puta ake i te mahinga o tētahi mahi, i te pānga rānei o tētahi āhuatanga. Ko tētahi hua o te taki haere ki te tāone noho ai, kua noho mōriroriro i ō rātou wā kāinga. {ariā, pānga}

9. [Tūmatauenga] He āhuatanga e pai ake ai, e whai take ake ai tētahi mea. (i) I whakatau ai te Taura Whiri me whakatū tētahi tau hei whakatairanga i te reo, he kore nō mātou i kite i te hua o te whakanui i te reo Māori mō te whitu rā noa iho (HM 6, 4). (ii) Ko te hua o tana mahi hou, kua kore ia e mate ki te haere ki te mahi mā runga waka. {huanga, pai1 (7), painga, pata1 (4), rawa1 (5)}

10. ‑nga [Tāne] mahp, ing, āhua. Ka whai puāwai, ka whai hua rānei. Ka hua te rātā, ka tītaha a Matariki ki te uru (W 64).  pua1 (5)

11. ‑nga [Tāne] Ka eke ki tōna rahi, kua porohita mai te āhua (o te marama). Kia hua te marama, kua kitea te ara ka pō ana, hei aha te hari rama.

hua2

1. [Tāne] ing. He taputapu whāiti ka hangaia ki te rākau ki te maitai rānei, hei hiki, hei neke rānei i tētahi mea. Ka poua atu tētahi pito ki raro i te mea e nekehia ana, ka pēhia whakararotia kia neke ai. He taputapu māmā te hua ki te whakamahi, engari tana mahi, ko te mutunga mai o te whai take. {kauwhiti, kōwhiti}

2. [Ranginui & Papatūānuku] He momo taiapa hei pare atu i te hau. I whakatūria he hua ki te taha uru o te māra hei kaupare atu i te urukāraerae.  pāhauhau

3. ‑ia ‑anga [Tūmatauenga] mahw, ing, āhua. Ka whakamahi i te taputapu e kīia nei he hua hei hiki i tētahi mea. Huaia te rākau nei (W 64).  rangahua

4. ‑ia ‑nga [Tūmatauenga] Ka ārahi i te waka kia mau ai ki te ara e whāia ana. Ka huaia te ihu o te waka ki uta.  urungi (2)

hua3

1. ‑ina ‑nga [Tūmatauenga] mahw, ing, āhua. Ka hoatu ingoa (ki te tangata, ki te wāhi, ki tētahi mea rānei). (i) Ko tō Te Paerata ake ingoa ko Te Hoariri, engari nā ngā kupu a Tāwhiao ka huaina ko Te Paerata (NM4 381, Kwm). (ii) Ka huaina te ingoa o tērā kāinga ko Kāwhia (W 64). (iii) Kei te marae o Te Matapihi i roto o Ngāti Porou tētehi whare anō i huaina ko Rauru-nui-a-Toi (B 48).  tapa2 (1)

2. ‑ina ‑nga [Tāne] Ka karanga atu i te ingoa. Ka huaina ngā ākonga e te tumuaki, kia whakamihia rātou e te minenga.

3. ‑ina ‑nga [Tāne] Ka āta kōwhiri me pēhea te whakatatū i tētahi take, i runga i te whiriwhiri, i te wānanga i ngā āhuatanga e hāngai ana. Huaina ana e ngā Kura Kaupapa Māori ko Te Aho Matua hei kaupapa whakamaru mō rātou.  whakatau1 (1)

4. ‑ina ‑nga [Tāne] mahw, ing, mahp, āhua. Ka mōhio pū ki tētahi mea. (i) Ko wai i hua ai he kōrero pono ngā tāngata o ēnei pā? (W 64) (ii) Ka toa anō a Waihīrere i tēnei tau? Wai ka hua, wai ka tohu?

5. ‑ina ‑nga [Tāne] mahp, ing, mahw, āhua. Ka hihiri ake, ka toko ake he āhuatanga (i tua atu i te kare ā-roto) i te hinengaro, i te ngākau. (i) E hua ana au ki te haere ki te tāone i te ahiahi nei ki te hoko hū hou mōku. (ii) Tērā e huaina e ētahi he moumou tāima noa iho tēnei.  whakaaro (5)

6. [Tangaroa] ing. Ngā rārangi matua o te tauira whakairo. Whakatakotoria te hua hei whai atu mā te toki.

hua4

1. [Tāne] ing. Ngā wāhanga kikokiko kei muri o te tinana, kei ngā taha e rua o te tiki. Ka huritua ngā toa haka, te pāuaua hoki o ngā hua!  kumu (2)

2. ‑ia ‑nga [Tūmatauenga] mahw, ing, āhua. Ka whakamahi i tētahi taputapu e mau ana ki te ringa kia rere ai te waka i te wai.  hoe (1)