This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



Hotu

1. [Ranginui] ing. Te pō tekau mā rua o te marama. He rā pai tēnei mō ngā mahi ika katoa, me te kai hoki. Ki ētahi he pai mō te ika, he kino mō te kai.  Maure (1)

2. [Ranginui] Te pō tekau mā toru o te marama. He kino mō ngā mahi katoa, o uta, o tai. Ki ētahi he pai mō te ika, he kino mō te kai.  Māwharu (2)

3. [Ranginui] Te pō tekau mā rima o te marama. Ka pā te marama i te wai, he kino. Ki ētahi he āhua pai paku nei mō te ika.  Atua1 (2)

4. [Ranginui] Te pō tekau mā ono o te marama. He āhua pai iti nei mō te ika, kaua mō te tuna.  Ōturu (1)

hotu

1. ‑nga [Ranginui & Papatūānuku] mahp, ing, āhua. Ka tangi me te kihakiha anō o te manawa. E hotu ana te kuia ki tana mokopuna kua huri ki tua. {heahea1, horu, horuhoru, koto1, kotokoto2, kutare, mapu, ngai3, ngaingai2, whakaingoingo}

2. ‑nga [Tāne] Ka whakahā kia kaha tonu, kia tere tonu, i te pau o te hau ki tētahi mahi, i tētahi taumahatanga rānei. E hotu ana ngā manawa i te hikinga i ngā utanga ko rāua anahe.  kihakiha (1)

3. ‑nga [Papatūānuku] Ka whakaputa i te hā kia roa tonu, kia rangona tonutia, hei tohu i te ngenge, i te hōhā, i te pōuri, i te tānga o te ihu, i te aha atu. Maringi ana ngā roimata o Pera i a ia e titiro ana ki te tohu i tōna ringa mauī, me te hotu anō o tana manawa (TO 8).  mapu (3)

4. ‑nga [Tangaroa] Ka pupuke ake (te wai) i te kare o te moana, ka piki, ka heke, engari kāore e whati. Ka hotu noa te moana (W 62).

5. ‑a ‑nga [Ranginui & Papatūānuku] mahw, ing, āhua. Ka tino kaha te hiahia ki tētahi mea, kia tutuki rānei tētahi kaupapa, tērā pea he hiahia e kore e ea mō tētahi wā roa, e kore rawa rānei e ea. E hotu ana tōku ngākau kia kite ā-kanohi au i ngā hanga koeko maruwehi o Ihipa.  wawata2 (1)