This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hoka1

1. ‑ia ‑ina ‑nga [Tūmatauenga] mahw, ing, āhua. Ka kōkuhu atu i tētahi hanga koi ki tētahi mata, e oti mai ai he kōhao. Me hoka ngā tōtiti ki te paoka.  wero (1)

2. ‑ia ‑ina ‑nga [Tūmatauenga] Ka māminga ki te patu (i tētahi wāhi o te tinana ki te rākau) kia pōhēhē ai te hoariri. Ka tū rā Hurukahu, ka hoka i tana patu, me āki ki tōna uma (NM1 86, 25). {tautētete, whakahopo, whakarehu2}

3. [Tāne] ing. He rākau e herea atu ai te whakahope.

4. [Tāne] He pātū ka mahia ki te tini manga rākau kua poua ki te whenua.

5. [Tāne] āhua. E tū poupou ana ki te rangi. He hoka te whare (arā, e kōrero ana mō te poupou o te tuanui) (W 56).

6. ‑nga [Tāne] āhua, ing, mahp. He poupou te hoa (o te tuanui). Kia hoka tonu te tuanui o te whare kia pai ai te hanga rūma ki reira. {tūhoa, tūhoe}

hoka2

1. ‑nga [Tāne] mahp, ing, āhua. Ka āta neke haere i te hau takiwā (o te manu, te waka rererangi, tētahi atu hanga whai parirau rānei). Taku manu whakaruru ka hoka ki te uru (W 56).  rere (1)

2. ‑nga [Tāne] Ka rere ki te rangi, ka tauhōkai noa rānei i te rangi. He huia rere uru, ā, hoka ki runga rā (W 56).  topa (2)

hoka3

1. [Tangaroa] ing. He ika tai e 80-120 henemita te tipu, he karaka māwhero whai tāingoingo kahotea a runga, he mā a raro, he roa ngā haenga pihapiha, he rite ki te tuna te hanga, he kiri hāwareware tōna. Genypterus blacodes. {hokarari, rari3}

2. [Tangaroa] He ika tai e 40-60 henemita te tipu, he ura a runga, he hiriwa māwhero ngā kaokao, he horotea a raro, he ira manauri kei te pū o ngā pakipaki, he ngohe ngā unahi, he toromoka kei te ngutu o raro. Pseudophycis bachus. {hokarari}