This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hoe

1. ‑a ‑nga [Tūmatauenga] mahw, ing, āhua. Ka whakamahi i tētahi taputapu e mau ana ki te ringa kia rere ai te waka i te wai. I te tūnga mai o tētahi kaipuke patu tohorā, ka eke ētahi Māori ki tō rātou poti ka hoe ki te kaipuke ki te hoko i ā rātou taewa (KRK 96). {hua4}

hoe waka [Tūmatauenga] ing. Te katoa o ngā kaihoe, ngā kaimahi rānei o runga i tētahi waka. E rite ana te hoe a te hoe waka. {kauhoe, waka}

2. ‑a ‑nga [Tāne] mahw, ing, āhua. Ka kawe mā runga waka. Māku koe e hoe ki rāwāhi, kia kore ai koe e mākū.

3. ‑a ‑nga [Tūmatauenga] Ka pana atu, ka pei atu ki te ringa. Tōna pānga atu ki a ia, ka hoea mai (W 55).

4. ‑nga [Tāne] mahp, ing, āhua. Ka haere mā runga waka. Hei te pō tāua hoe ai, kei kitea tāua e te tangata whenua (W 55).

5. [Tāne] ing. He kakau poto, he kakau roa rānei, he rapa kei tētahi pito, kei ngā pito e rua rānei, ka poua ki te wai, ka kūmea, kia neke ai te waka. Me pēnei tō pupuri i te hoe - ko tētahi ringa ki te pito whakarunga, ko tētahi ki runga tata ake o te rapa. {hīrau, tawatawa}

hoe ākau [Tūmatauenga] Te hoe ka whakataki i te ahunga o te waka. Ka whakatūria ngā kaimau o ngā hoe; ko Taipupuni ki te hoe ākau (W 6).  urungi (1)

hoe piripiri [Tāne] He hoe tuarua hei rūnā i te waka. Nāku te hoe piripiri i hari mai, kei tūpono ngaro te hoe ākau ki te wai.

ringa hoea [Tūmatauenga] He tangata kāore e paingia e tāna e whai ana hei wahine, hei tāne rānei māna. Ko wai te ringa hoea kāore e pōuri, e manawa kawa rānei mō tētahi wā.