This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hoa1

1. [Rongo] ing. He tangata e mōhio pai ana koe, e tino rata ana koe, ā, ko ia e whakaaro pērā ana mōu (hāunga pea te hoa moe). (i) Ka nui tana pōuri i te matenga o tana hoa piripono. (ii) I hiahia te tamaiti kia haere katoa mai ana hoa ki tana rā huritau.

2. [Ranginui & Papatūānuku] Tētahi o te tokorua kua mana tā rāua noho tahi. I mārenatia māua ko taku hoa i tērā tau.  (hoa rangatira)

hoa ngangare [Tūmatauenga] He tangata, he aha atu rānei e toheriri ana ki tētahi atu, ko te hiahia ia kia hinga, kia mate atu rānei i a ia. Ka tupu te whakaaro me heke rātou ki te tonga, kia tawhiti atu i te hoa ngangare (TTR 4, 330).  hoariri

hoa rangatira [Ranginui & Papatūānuku] Tētahi o te tokorua kua mana tā rāua noho tahi. Nā kōrua ko tō hoa rangatira ēnei tamariki? {āwhai, hoa1 (2), hoahoa2, makau1, tahu3 (2), tau3 (2)}

hoa tāne [Tāne] Te hoa rangatira o tētahi wahine. I reira hoki, ka tūtaki a Hoani Wiremu Hipango ki a Arapeta Te Piriniha, te hoa tāne o Kuīni Wikitōria (Wh 16, 1).  tāne (2)

hoa wahine [Papatūānuku] Te hoa rangatira o tētahi tāne. Nā, ko Māui te tamaiti whakamutunga a Makea Tūtara rāua ko tōna hoa wahine, ko Taranga (Wh 2, 1).  wahine (2)

hoa whawhai [Tūmatauenga] He tangata, he aha atu rānei e toheriri ana ki tētahi atu, ko te hiahia ia kia hinga, kia mate atu rānei i a ia. Kia mataara koutou e hoa mā, kei te hāereere tō koutou hoa whawhai.  hoariri

hoa2

1. ‑ina ‑nga [Tāne] mahw, ing, āhua. Ka āta whakatau tōmua i ngā āhuatanga whāiti e tutuki pai ai tētahi kaupapa. Ka hoaina te whare, kātahi ka hoatu ki ngā kāmura kia tika ai te hanga.  whakarite (6)

2. ‑nga [Tāne] ing, mahp, āhua. Te āhua o te rōnaki (o te tuanui). Poupou tonu te hoa o te whare nei (W 54).  hoahoa1 (3)

3. [Tāne] ing. He tānga o te āhua o tētahi whare kāore anō i hangaia, e whakaatu ana i ōna āhuatanga matua.  hoahoa1 (2)

hoa3

1. [Tāne] ing. He ingoa whānui mō ētahi karakia maha tonu.

hoa rākau [Tūmatauenga] He karakia ka whakahaeretia mō ngā rākau whawhai i mua i te pakanga.  mata3 (mata rākau)

hoa tapuwae [Tūmatauenga] He karakia hei whakatere ake i te oma a te tangata. (i) Nā te hoa tapuwae i mau ai a Hiwikai i a Te Waitere i Kaiwaewae. (ii) Anei te hoa tapuwae: Tēnei au, tēnei au te hōkai nei i taku tapuwae, ko te hōkai-nuku, ko te hōkai-rangi (H 34). {māhuruhuru}

2. ‑ia ‑nga [Tūmatauenga] mahw, ing, āhua. Ka taki i ēnei momo karakia. Kātahi ka hoaia e Tāmure ki te paepae o tōna whare (W 55).

3. ‑ina ‑nga [Tūmatauenga] Ka mahi ki te whakatutuki i tētahi kaupapa ki ēnei momo karakia. Tē kaha ia te whai i taua tangata, kātahi ka karangatia ki tana wahine, ki a Rongotiki, hei hoa i ōna tapuwae (W 55).

hoā

[Tāne] ing. He manu rerekore noho ki te ākau, te taipū, te taha o te wairepo, te pātītī, ki hea noa atu. Gallirallus australis.  weka