This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hihi1

1. [Ranginui] ing. He rerenga aho mahana ka whiti mai i te rā. Otirā he tini he mano ngā whetū kei te takiwā o te rangi, i waenganui o te rā me te ao, engari kāore e kitea ana e tātau i te awatea, i te kaha o te kanapa o ngā hihi o te rā (PH 6, 5). {hunu, ihi1 (4), wana}

2. [Tāne] Ngā hanga tarapī roroa e noho pinerua mai ana i te upoko o te pepeke, o ētahi ngāngara, o te kōura, o te aha atu. E toro haere ana ngā hihi o te ngata i a ia e rapu kai ana. {pūhihi, pūihi}

hihi tohorā [Tangaroa] He kōiwi nō te waha o te kewa.

3. [Tāne] He hanga roroa rite ki te pūhihi ka tiaia ki te huruhuru manu, hei whakarākei i te tauihu o te waka taua. {(hihi mua), (hihi roto)}

hihi mua [Tāne] He hanga roroa rite ki te pūhihi ka tiaia ki te huruhuru manu.  hihi1 (3)

hihi roto [Tāne] He hanga roroa rite ki te pūhihi ka tiaia ki te huruhuru manu.  hihi1 (3)

4. [Tāne] He manu noho ngahere, he pango te upoko, te ua, te kakī me te poho o te toa, he huruhuru mā kei muri i ngā karu, he ōriwa parauri te tuarā, he tāhei mā kei ngā parirau, he kiwikiwi a raro, he tāhei huruhuru kōwhai kei te uma. He ōriwa parauri te uwha a runga, he kiwikiwi parauri a raro me ōna tāekaeka kōwhai, he tiwha mā kei te taha o te upoko, he tāhei mā kei ngā parirau. Notiomystis cincta. {(hihi pakawera), ihe1, kōhihi, kōtihe, kōtihetihe1, mōtihe, mōtihetihe, tihe2, tiora2, tioro} kōtihe, matakiore

hihi paka [Tāne] He toa hihi. Notiomystis cincta.  kōtihe (kōtihe wera)

hihi matakiore [Tāne] He uwha hihi. Notiomystis cincta.  matakiore

hihi pakawera [Tāne] He manu noho ngahere. Notiomystis cincta.  hihi1 (4)

5. ‑nga [Ranginui & Papatūānuku] āhua, ing, mahp. Kua āhua wehi (te tangata, te kararehe rānei) i mua i te aroaro o ētahi atu. He tamaiti hihi, ka huna i muri i tana māmā ki te kōrero atu koe ki a ia.  pūihi (1)

hihi2

[Tāne] ing. Te wāhanga teitei rawa i te aroaro o te whare, he tapatoru te āhua. He tekoteko whakairo kei runga i te hihi o tō mātau tupuna whare. {mataihi}

hihī

‑anga [Whiro] mahp, ing, āhua. Ka pāngia e te mate tikotiko.  2