This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



here

1. ‑a ‑ngia ‑nga [Tāne] mahw, ing, āhua. Ka takatakai (ki te miro, ki te taura, ki te aha atu) kia mau pai, kia tina; ka takatakai tahi i ētahi mea kia mau tahi ai. Ka herea te kakau ki te kareao kia mau pai ai. {heihei2, hohou, hou3, houwere, rangitāmiro, , rōrī, ruru2 (2), tauhere, whakarorerore, whītiki}

2. ‑a ‑nga [Tūmatauenga] Ka whakamau ki te aho, ki te taura, ki tērā momo hanga rānei, ka paihere rānei kia apiapi, kia raungaiti. (i) E ako tonu ana te tamaiti ki te here i ana hū. (ii) Ka herea ngā utauta i runga i te waka kia kore ai e purere noa iho. {hōtiki, houwere, kūkuku, niko, pīhere1 (2), pona, renarena, roiroi1, rona, rūnā, ruru2 (1), rūruru, tāhere, taparenga, tauhere, toherere, tōtaha, whakatiki1, whawhau, whītiki, whītoki}

3. ‑a ‑ngia ‑nga [Rongo] Ka mahi kia ngata te hiahia, kia mauru rānei te riri o tētahi atu, e arotau mai ai ia, e tau ai rānei te rangimārie. (i) He kainga i te kai, e kore a Paeko e herea; he karanga riri, a Paeko ka herea (W 46). (ii) Ka here i tana atua kia kore ai e kino mai.  whakamārie

4. [Tāne] ing. He tikanga e kore ai e taea ētahi āhuatanga te mahi. (i) Ko ētahi rāhui he tino here tūturu kai runga e mau ana, kāore e taea te hoko, te rīhi, te whakawhiti rānei. (ii) Kāore ia i tono mai kia wetekia ngā here kia taea ai e ngā Māori te hoko aua whenua (PH 6, 26).

5. [Tāne] He aho hei hōtiki i tētahi mea. Harotu noa iho ngā here o ōna ringa (PT Kai 15.14).