This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



heahea1

1. ‑tanga [Ranginui & Papatūānuku] mahp, ing, āhua. Ka tangi me te kihakiha anō o te manawa. Ka tīmata te kōtiro ki te heahea i te kaha ongeonge ki ana mātua.  hotu (1)

2. ‑nga ‑tanga [Tāne] Ka whakahā kia kaha tonu, kia tere tonu, i te pau o te hau ki tētahi mahi, i tētahi taumahatanga rānei. Me heahea anō ka tika i te roa mārika e oma ana.  kihakiha (1)

heahea2

1. ‑tanga [Ranginui & Papatūānuku] āhua, ing, mahp, tūkē. Kāore e āta whakaaro, kāore rānei e mātau ki te mahi tika. Hei tā ngā pirihimana he tihara kē i whānakohia, ā, nā te kore haruru o te motukā, i tahua he māti hei tirotiro ā, pahū tonu atu te motukā, kāre tētahi i whara, hoi anō hei tā ngā pirihimana, kāre he whakawhiu mō ngā mahi heahea a te tangata (RW 1 Hep 2005). {hārangi, hohore, hore2 (3), manuware, mōkai, nenekara, pōrangi, rori1 (3), rorirori, rorohuri, rūai, rūrūwai, rūwai, wairangi, wau2, wawau}

2. [Ranginui & Papatūānuku] ing, āhua. He tangata kāore e whakaaro, kāore rānei e mātau ki te mahi tika. Titiro ki te heahea rā e mau tarau poto ana i tēnei rangi tino kino te makariri. {hākawa, hukehuke, kāeaea, kīkiki, ngoungoua, rorirori}