This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hea1

[Tāne] pāt. E pātai ana kia tohua mai tētahi wāhi. (i) Kei te haere tāua ki hea? (ii) Kei hea aku mōhiti? (iii) Ko hea tēnei wāhi? {whea}

hea2

[Tāne] ing. He huinga tāngata tino tokomaha. Kua tatū mai te tini, te hea ki te whakarongo ki a ia e waiata ana.  tini1 (2)

hea3

1. ‑nga [Ranginui & Papatūānuku] mahp, ing, āhua. Ka rongo i te pōuri nui i te rironga o tētahi mea, pērā i te matenga o te tangata e aroha nuitia ana. E whai mai tā tāua tama i a koe, waiho atu i tōna kāinga, kia hea tōna wairua, hea ki roto ki Tauranga (W 44).  kōingo (2)

2. ‑nga [Ranginui & Papatūānuku] Ka rongo, ka whakaatu anō i te pōuri nui, i te matenga o tētahi tangata, o tētahi mea rānei e aroha nuitia ana. E hea ana te ngākau mō tana tamaiti kua haukotia nei e Aituā.  taurere

3. ‑nga [Tāne] Ka rongo i te ngau kino o tētahi āhuatanga, o tētahi hanga rānei (ki te tinana, ki te ngākau rānei). E hea ana te ngākau i te rironga o tana hoa.  mamae

hea4

[Tāne] ing. reo kē. Tētahi o ngā wehenga ōrite o tētahi hanga pēnei i te rohenga whenua, i te rawa, i te kamupene rānei, ka puritia e te hunga e whai pānga ana ki taua hanga. (i) He hunaonga au nā Te Rangiita Waaka, te tangata kei a ia ngā hea maha atu i te ngāherehere o Mangahouhou 3A (HP 279). (ii) Na ko ngā hea kua riro ināianei e 24, ngā hea e toe ana hei tango 76, kia tere te tuku mai i ā koutou moni £2 10 hei taunaha hea mā koutou (T 1, 30).