This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



haumi

1. ‑nga ‑tanga [Tūmatauenga] ing, mahp. He tangata, he huinga tāngata rānei ka whawhai tahi me tētahi atu, ka tautoko rānei i tētahi atu. (i) I ngā wā e karanga ai ngā iwi o Hauraki ki a Paeko hei haumi mō rātou (W 40). (ii) Ko tā Te Whenuanui kōrero kia mau te rongo; ko āna haumi ko ngā hapū o Ruatāhuna, o Maungapōhatu me Waikaremoana (TTR 2, 169). {tuarā, tuara, uku2, whakaeke, whakauru}

2. [Tūmatauenga] ing. He whakaaetanga, he hononga rānei i waenganui i ētahi tāngata, i ētahi huinga tāngata rānei e puta ai he hua ki a rāua tahi. (i) E mea ana a Hongi, he haumi tēnei ki a ia (W 40). (ii) Ka puta mai anō te tini o te tangata, ka noho haumi ki te iwi a Tana (W 40).

3. ‑a ‑tia ‑nga ‑tanga [Ranginui & Papatūānuku] mahw, ing, āhua. Ka mahi kia āta mau atu tētahi mea ki tētahi atu, kia kore ai e noho wehe. Me haumi ngā taura hiko e rua kia tae atu ai te hiko ki te tēneti.  hono1 (1)

4. [Tāne] ing. He wāhanga ka tāpiritia ki te tinana o te waka kia roa ake ai te hanga. Nā ka mau te haumi o te tā, o te ihu, ka kumi tēnā waka (W 40). {tuki}

5. [Tāne] He waka ka whakaroatia ake ki te haumi. Ka haukahatia, tōna ingoa he haumi (W 40).

6. [Tāne] Te wāhanga whakamua o te waka. Mā te haumi e wāwāhi ngā ngaru.  tauihu (1)