This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hauhau1

1. ‑a ‑nga ‑tanga [Tāne] mahw, ing, āhua. Ka mahi kia kitea mai tētahi mea e ngaro ana, e huna ana, kāore rānei e āta kitea atu ana. E hauhau ana te kurī a te pirihimana i te tangata kino.  kimi1

2. ‑nga ‑tanga [Ranginui & Papatūānuku] mahp, ing, āhua. Ka kaha tonu te hiahia ki te mahi i tētahi mahi, ki te whai i tētahi kaupapa. Ko wai te pōrangi ka hauhau ki te kauhoe i ngā wai makariri o taua roto i te takurua?  ngākaunui

hauhau2

1. [Tāwhirimātea] ing, āhua. He hau takiwā mātaotao pai nei. Tōia ake te tatau kia tuwhera, kia puta mai ai te hauhau ki a au (W 38). {kōtaotao (kōtaotao hauwai)}

2. ‑tanga [Tāwhirimātea] āhua, ing, mahp. E āhua mātao ana, kāore i tino mahana (o te hau, o te hau takiwā, o te tinana rānei). (i) Ka puta rātau ki waho o te ngāherehere i oke haere ake ai rātau. Kātahi hoki ka hauhau, ka angiangi mai hoki te hau, hauora ana rātau (PH 6, 8). (ii) Ka hauhau koe i te anu o waho (W 38). (iii) He pai tēnā hāte mō te raumati, he hauhau. {hauangi, kōangi, kōangiangi, kōtao, pongi, pūanu, pūangi, pūangiangi}

hauhau3

[Tangaroa] ing. He ika wai māori noho paru 10 henemita te tipu, he kiwikiwi parauri te tuarā me ngā kaokao, he manauri, he kākāriki parauri ngā tāingoingo, he kiwikiwi, he kahotea a raro, he parauri ngā paihau whai iraira i te pū. Neochanna apoda. {kōwaro2, waikaka, waikākā}

hauhau4

‑a ‑tia ‑nga ‑tanga [Tūmatauenga] mahw, ing, mahp, āhua. Ka patu ki tētahi taputapu e mau ana ki te ringa. Ka hauhau taku hoa i te pōro, rere tika atu ana ki te wini o te whare.  hahau

hauhau manu [Tāne] ing. He rākau hei patu manu. Kāore i roa e whakatangi ana i tana pepe, ka tau atu he manu ki te pae, kātahi ka hāua ki te hauhau manu.