This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hakirara

1. ‑tanga [Tūmatauenga] āhua, ing, mahp. Kāore e pai te āhua (o te tangata, te kākahu, te mahi, te aha atu rānei), he kore nō te tangata i āta whai kia tika te āhua. He tangata hakirara, he kopakopa katoa ana kākahu, me te paruparu anō o te āhua. {hakurara}

2. ‑tanga [Whiro] mahp, ing, āhua, tūkē. Kāore i pono (o te kōrero). Kaua noa koe e whakapono ki te waha hakirara rā - he rūkahu katoa ana kōrero.  rūkahu (2)

3. ‑tanga [Whiro] āhua, ing, mahp. Kāore e whai take ana, kāore e whai kiko ana.  hauwarea (1)

4. ‑tia ‑tanga [Tūmatauenga] mahw, ing, āhua. Ka whakaputa kupu, ka mahi rānei i tētahi mahi whakaiti i tētahi atu. He hakirara tonu tērā, te whakapae kāore rātou e mārama ki tēnei momo tuhinga.  pohane (4)

5. ‑tia ‑tanga [Whiro] Ka mahi i tētahi mahi e hōhā ai, e āhua riri ai tētahi atu, tērā pea nā te auau tonu o taua mahi. Me mutu tō hakirara i a ia, inā ki te taka kōrua ki te mekemeke, ka mīere ko koe.  whakahōhā

6. [Tūmatauenga] ing. He waiata māmā te kaupapa, māmā te wairua, he waiata whakangahau i te iwi. Ehara ngā hakirara katoa i te waiata taunu, ko ētahi he waiata whakahangareka. {hakurara}