This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



hae

1. ‑a ‑nga [Tūmatauenga] mahw, ing, āhua. Ka wehe i tētahi mea ki te taputapu koi, pēnei i te māripi, i te aha atu. Haea mai rā ki te mere tuatini (W 29).  tapahi

2. ‑a ‑nga [Tūmatauenga] Ka tapahi, ka tīhae rānei (i te kiko). Tō kiri i ahua ki te wai ngārahu, tō mata i haea ki te uhi matarau (NM1 60, 15). {haehae, hahae, hōripi, hōripiripi, whakahaehae1, whakangaeke}

3. ‑a ‑nga [Tūmatauenga] Ka kukume kia wehe taretare mai tētahi wāhanga i tētahi. E hae ana te kāhu i ngā kiko o te rāpeti ki ana ngutu, hei whāngai ki tana hūkari.  tīhae (1)

4. ‑nga [Tāne] mahp, ing, āhua. Ka wehe mai tētahi wāhanga i tētahi atu, e noho motuhake ai aua wāhanga. Kaua e kaha rawa te whakakī i te pēke rāpihi, kei hae noa iho.  kōihi1

5. ‑nga [Ranginui] Ka kānapanapa, ka tino mārama te kitea atu (o ngā tae e rere tahi ana). Kia toru ngā āhua (ngā tae); kāore e pai te rua, kāore e hae, arā, kāore e wana te titiro atu (W 29).

6. ‑nga [Whiro] Ka kaha hiahia ki a koe kē ngā taonga, ngā pūmanawa, ngā aha noa iho rānei a tētahi atu, me tō ngākau kawa anō ki a ia i tērā āhua. (i) Ka nui te hae ki tō rātou whānau whai rawa, engari nā te heke o te werawera i whai rawa ai. (ii) Ki te mea e ngākau hae ana te tuakana ki te teina, kei tō rāua matua tahi te tikanga, kei whakatupu kino, kei pēhi tētahi i tētahi (KtKM 4, 9).  pūhaehae

7. ‑nga [Ranginui & Papatūānuku] Ka hē katoa te ngākau i te whakapono kua mōrearea te noho, he āhuatanga kino rānei ka pā. Ka nui tana hae ki te pūngāwerewere, koirā i patua ai ki tana hū.  mataku

8. ‑a ‑nga [Tūmatauenga] mahw, ing, āhua. Ka ngākau kawa, kāore e pai ngā whakaaro (ki tētahi tangata, ki tētahi mea rānei). (i) Ka nui taku hae ki ngā waiata o ēnei rā - he pāpaku ngā kupu, he koretake anō te rangi. (ii) E hae ana au ki tērā kai anuanu.  matakawa

9. [Tāne] ing. He maramara pēnei i te puehu ka tukuna e te wāhanga toa o te pua; ina hono ki te kano o te uwha, kua puta he kākano hou. Ka kawea te hae e te hau, e te pepeke ki te puāwai, ka hua ake ngā kākano. {hahae}