This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



aweke

1. ‑tanga [Tūmatauenga] mahp, ing, āhua. Ka āta whai kia takahia tērā e whakaarohia ana e ētahi atu kei te tika. Ka tohutohungia a tama aweke kia kuhuna tana koti, i tērā tonu kua haere koti kore.  whakatete (2)

2. ‑tanga [Ranginui & Papatūānuku] Kāore e tau ngā whakaaro i runga i te whakapono tērā ka pā he raru, he āhuatanga kino. Kei te aweke au ki te kōtiro e ngaro nei (W 24).  māharahara

3. ‑tanga [Tāwhirimātea] Ka whai he ahunga kē, he ara kē mō tētahi wā. Ka kite au i te tangata e puta mai ana, ka aweke noa au ki tahaki kia hemo ake taua tangata (W 24).  peka (6)

4. ‑tanga [Tāwhirimātea] Ka whakaroaroa ki te haere i tētahi haere, ki te mahi rānei i tētahi mahi. Kātahi te aweke o tāu haere (W 24).  takaroa

5. ‑tia ‑hia ‑ngia ‑tanga [Tūmatauenga] mahw, ing, āhua. Ka whai kia whakatakariri, kia whakamā tētahi atu, hei kata māu, mā ētahi atu rānei; ka whiu i te kōrero tētahi ki tētahi i runga i te wairua whakataetae, i te wairua ngahau. Me mutu tō aweke i tō teina - taihoa ia ka meke i a koe.  whakatoi (2)

6. ‑tanga [Whiro] āhua, ing. Kāore he kiko, i mahia i runga i te kore e whakaaro. He kōrero aweke kau, kaua noa e arohia ake.  hangahanga (3)

7. ‑tanga [Tāne] ing, mahp, āhua. He tāne taipakeke kua roa ngā rā ki te ao. Kāore e roa e hīkoi ana te aweke, kua ngāngā, kua mate ki te noho mō tētahi wā.  koroua (1)