This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



auahi

[Rūaumoko] ing. He hanga rite ki te kōrehu ka rewa ake ki te rangi, ka tāiri mai rānei ki te rangi ina wera tētahi mea. (i) Kua kaha rawa te mura o te ahi, me te nui hoki o te auahi e puta mai ana i ngā taha katoa o te whare (PH 3, 13). (ii) Kua maremare noa iho mātou i te auahi o tō paipa - haere ki waho kai ai i tō kai! {au1 (1), kauruki, kōkorouri, kōkōuri, paoa1, paowa, pawa1}

mina auahi [Ranginui & Papatūānuku] āhua, ing, mahp. Kua maoa i te auahi. Hinuhinu ana ngā tuna mina auahi i te hākari.  pūkauri (2)

minamina auahi [Rūaumoko] mahp, ing, āhua. Kua pārikoriko katoa, kua haunga katoa rānei (tētahi mea, tētahi wāhi) i te auahi, e rangona ana rānei te hā o te auahi (i tētahi mea). (i) Ki te kore e tangohia katoatia ngā ngārahu i te hāngī, ka kaha te minamina auahi o ngā kai. (ii) Kua minamina auahi katoa ngā kākahu i te ahi o tō rātou puni. (iii) Kua minamina auahi katoa te tuanui o tō rāua whare i tā rāua kai paipa i roto. {(munamuna auahi)}

munamuna auahi [Rūaumoko] Kua pārikoriko katoa, kua haunga katoa rānei (tētahi mea, tētahi wāhi) i te auahi, e rangona ana rānei te hā o te auahi (i tētahi mea). (i) Waruwarutia ai te tapeha. Ko ētahi rākau munamuna auahitia ai (HP 14). (ii) Ko Whakaahu te whetū kei te ārahi i tēnei marama. Piri tonu ngā turi o te hākoro me te hākui i te mātao. Munamuna auahi ana te tangata (TT 13, wh7).  (minamina auahi)