This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ate1

1. [Tāne] ing. He whēkau rahi he horoi toto tāna mahi nui. (i) E ai ki te rata, kua tino raru te ate o te tūroro, he kaha rawa nōna ki te inu waipiro. (ii) He ate heihei me te pēkana tā māua parakuīhi. {(ate whanewhane), mahamaha, whanewhane}

ate whanewhane [Tāne] He whēkau rahi he horoi toto tāna mahi nui. Ko te ate whanewhane o te hipi tētahi kai tino anuanu rawa atu ki a au.  ate1 (1)

2. [Tāne] Te wāhi o te tinana e noho ai, e pupū ake ai ngā kare ā-roto, arā, te toi o ngā kare ā-roto. He aha kei taku ate ka pākinikini nei! Ko te tau tēnā nāna i huawaere (WM 11, 16).  ngākau (1)

tau o te ate [Ranginui & Papatūānuku] He kupu e tohu ana i te tangata e aroha nuitia ana. Kei whea te tau o taku ate? (W 19) {ate1 (3), kuku (kuku o te manawa), māhuri, māpuna1 (hei māpuna), māreikura (tuhi māreikura), māreikura, rāwaru (rāwaru pounaho), tongarerewa, tongarewa} whakautu (3)

3. [Ranginui & Papatūānuku] He kupu e tohu ana i te tangata e aroha nuitia ana. Taku ate hoki rā, taku piki kōtuku (W 19).  (tau o te ate)

4. [Tangaroa] Te hua o te kina. I te mōmona o te ate, kāore i roa ka kī te ipu (PTT). {ateate}

5. [Tūmatauenga] He rākau whawhai poto mō te whawhai kanohi ki te kanohi, ka hangā ki te parāoa, ki te koiki rānei, e rua ngā waha huaki i ngā taha, he whawhati rākau te mahi, he tīkaro hoki.  kotiate

ate2

[Tāne] ing. He harakeke roa ngā whā. Phormium tenax.  tamatea