This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



aroha

1. [Ranginui & Papatūānuku] ing. Te rongo i te mate kanehe, i te ngākau tino pai ki tētahi atu, ki tētahi mea rānei. (i) I te nui o tōna aroha ki tōna hoa tāpui, ki a Nihomakuru i mahue atu rā i a ia, kīhai ia i rongo ki te māuiui, kīhai i hiakai, ānō kei runga ia i ngā parirau o te hau e rere ana (KRK 20). (ii) Ko te aroha hoki ki te moni te pūtake o ngā kino katoa (KRK 53). {māriri1 (3), ngariri, pohane}

2. [Ranginui] Te whakaaro pai ki tētahi atu tangata, ki tētahi atu mea rānei. (i) Koinei te nui o taku aroha ki aku kaumātua, nāna au i poipoi. (ii) He aroha hoki ki ngā karakia o mua a ngā mātua (W 16).

3. [Ranginui & Papatūānuku] ing, āhua. Te kaha hiahia, te kaha wawata rānei kia hoki mai, kia kite anō rānei i tētahi kei wāhi kē. Ā ka ngaro atu ia ka noho a Tāwhaki, ka ngau kino te aroha i a ia ki tana wahine rāua ko tana kōtiro (W 16). {āka2, kāwatawata, kōhengi, kōhengihengi, konatu, maingo, poreirewa, pūaroha, wawata2 (2)}

4. ‑tanga [Rongo] mahp, ing, āhua. Ka rongo i te mate kanehe, i te pūaroha rānei ki tētahi atu, ki tētahi mea rānei. (i) Kāti, i te tohetohe tonu o te tamaiti nei, ka aroha te kuia rā, ka whakaaetia te mōkai a tana mokopuna (Wh 24, 12). (ii) Ka ea te whakatakariri o Rongo ka aroha anō ki tana tāne, ka noho ki te tiaki, ā mate noa a Heke (TTR 1, 8).

5. ‑ina ‑tia ‑tanga [Tāne] mahw, ing, āhua. Ka whakaatu i te whakaaetanga ki tētahi mea. (i) Kātahi anō a Manaia ka mōhio nāna anō taua tamaiti, nā, ka arohatia ia e Manaia (W 16). (ii) Kāore taku rangatira i aroha mai ki taku tono.