This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



anga1

1. ‑nga ‑tanga [Tāwhirimātea] mahp, ing, āhua. Ka anganui ki tētahi aronga. Kei te anga te kūwaha ki te uru (W 10).  ahu3 (2)

2. ‑nga ‑tanga [Tāwhirimātea] Ka neke, ka haere rānei me te ū anō ki tētahi aronga kua whakaritea. Me mutu te kōtītiti haere - me anga tika tāua ki te rāwhiti kia tere tae atu ai.  ahu3 (1)

3. ‑nga ‑tanga [Tāwhirimātea] Ka tīmata i tētahi mahi, ka whakapau kaha anō ki taua mahi. Kātahi ka anga ki te tui i ā rātou ika (W 10).  tahuri (4)

4. [Tāne] ing. He tūnga, he takotoranga rānei e anga ana ki tētahi ahunga. (i) He anga ora tēnei, e kore e roa ka tupu te kai (W 10). (ii) He anga whakateraki tō te whare, nā reira i mahana ai. {anganga}

anga2

1. [Tāne] ing. Te uhi mārō o waho (o ētahi mea ora pērā i te mātaitai, i te kākano, i te huarākau). (i) Te anga karaka, te anga kōura, koi kitea ki te marae (W 10). (ii) Me wāwāhi te anga o te nati kia taea ai te kiko reka o roto. {nganga}

anga nui niho [Tangaroa] He mātaitai tōrino te hanga, 12 mirimita te tupu, he noho paru ki taikoraha i te wīwī, i te mānawa, i te ureure, he koropetau hāurauri e kōmiro ana i te anga pākā kōrito, he waha rite ki te taringa tangata te hanga. Ophicardelus costellaris.

2. [Tāne] Te uhi maroke o waho o ētahi kākano me ētahi huarākau. Ki te pīhoretia te anga o te niu, kua mahue mai ko te nati tonu.  peha1 (2)

3. [Tāne] Te huinga kōiwi e tautoko ana, e tiaki ana i ngā whēkau, i ngā uaua, i ngā wāhi kikokiko o te tinana. I a rātou i te whare taonga ka kite rātou i te anga o te moa. {kōhī2, kōhiwi, kōhiwihiwi, tuahiwi}

4. [Tāne] He hanga mārō ka mahia ki te rākau, ki te maitai, ki te aha atu, hei whakairinga mō tētahi mea, hei tautoko i tētahi mea, māna rānei e tū tika ai, e kaha ai tētahi mea. (i) Ko te kauwhata me te tīrewa, he momo anga nō te ao Māori taketake ake. (ii) Ka hangaia te anga o te waka kia kaha tonu, kia kore ai e kopenu noa ina pā he aituā. (iii) Kua oti mai te anga o te tuanui, heoi anō te mahi ināianei, ko te hoatu i te rino.

5. [Tāne] Te kākano mārō kei te pokapū o ētahi momo huarākau. Ka ngau tana niho ki te anga o te paramu, whati tonu atu.  karihi (1)

6. [Tāne] He taputapu hei pupuri wai, hei pupuri aha atu. Homai te anga nā kia whakakīia ki te wai.  ipu1 (1)