This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ake1

[Tāne] ing. He rākau e 6 mita te tupu. Dodonaea viscosa.  akeake (1)

ake2

‑nga [Tāwhirimātea] mahp, ing, āhua. Ka neke i tētahi wāhi ki tētahi atu. Ka ake ki hea? (W 7)  haere (1)

ake3

1. [Tāne] pmi. E tohu ana kei te ahu whakarunga tētahi mea. (i) Tēnā piki ake! (ii) He moata taku ohonga ake i te ata. (iii) Hutia ake te punga.

2. [Tāne] E tohu ana i te whāinga mai o tētahi mahi, tētahi āhuatanga rānei, i muri tata mai i tētahi atu. (i) E whai ake nei tā rātou waiata. (ii) Ka tahuna te ahi, mea ake kua mura.

3. [Tāne] I muri i ētahi tūwāhi, tūāhua, tūkapi rānei, e whakakaha ana i te tikanga. (i) Meatia ngā pounamu ki runga ake, kia kore ai e taea e ngā tamariki. (ii) Kei muri ake anō i a rātou ētahi waka e hoe mai ana (W 6). (iii) Ka nui ake tana whakamā. (iv) Nā te āhua o tana mahi, kāore i toe mai he wā ki a ia ake me tōna whānau (TTR 4, 93).

4. [Tāne] E tohu ana e hono tata ana tētahi whakaaro, tētahi wāhi rānei ki te kaikōrero, te kaiwhakarongo, te tangata rānei e kōrerotia ana. Kua matemate katoa ngā tāngata kua whakahuahuatia ake nei e au.

5. [Tāne] I muri i ngā tūwāhi, e mea ana kei taua wāhi tonu te mea e kōrerotia ana, kaua i tētahi atu. (i) Ka pupū mai te ngāwhā i roto ake i tōku iāri! (ii) Kei hea ake nei o Te Papaioea tō rāua kāinga?

6. [Tāne] E tohu ana i te ahunga ki tētahi wāhi e hono ana ki te kaikōrero, engari kāore ia i reira i te wā e kōrero ana ia. (i) Ka tae ake anō koe ki tā mātou whakangahau ā te Rāhoroi? (ii) Katoa rātou i puta ake ki te uhunga o taku pāpā.

7. [Tāne] I muri i ngā pūmau rirohanga, e tohu ana nō te tangata anake, nā te tangata anake rānei e whakaingoatia ana te mea e kōrerotia ana, ehara i tētahi atu. (i) Nōku ake ēnei whakaaro, ehara nō te tangata kē. (ii) Kei te hiahia ia ki tāna ake pukapuka.

8. [Tāne] I muri i ngā pūmau, e tohu ana he rerekē, he tāpiritanga rānei te mea e kōrerotia ana ki tētahi mea kua oti te whakahua i mua tata ake. (i) Te akoranga rata, mahi niho, rōia, kaiwhakaako mō ngā huarahi katoa, me ētahi ake, me ētahi ake mātauranga (HP 243). (ii) Arā a Pāora Tāhau, a Hōri Mautaranui, a Tūpare Maniapoto, a Te Kāripa, a Hūrae, a Rore pea ina, me ētahi ake kei te wareware au ko wai (HP 243).  atu (3)

9. [Tāne] Ina whakaritea ētahi mea e rua, e tohu ana kāore i te eke te kaha o tētahi āhuatanga o roto i te mea tuarua ki tō te mea tuatahi. Whakamahia nuitia ai mō te tūāhua wairua pai, pēnei i te pai, i te nui, i te reka, engari kāore e whāiti mai ki tēnei. (i) He teitei ake a Aoraki i a Ruapehu. (ii) He nui ake te kākāpō i te kākāriki. (iii) He iti ake te utu mō te tamariki, tēnā i te utu mō te pakeke. (iv) He makariri ake te Kōpakatanga ki te Tonga tēnā i te Weheruatanga o te Ao.  iho2 (3)

10. [Ranginui & Papatūānuku] āhua. hou. E tohu ana i te momo whana hiko e tauaro ana ki tērā e kawea ana e te irahiko. He whana ake tō ngā iraoho.  tōrunga (2)