This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



aka

1. [Tāne] ing. Ngā pakiaka angiangi roroa o te rākau, o ētahi atu tipu rānei. Ka motu noa iho te aka i te kāheru, engari anō ngā pakiaka nunui.

aka o te whenua [Haumia] He kupu whakarite mō te aruhe.  (aka o tūwhenua)

aka o tūwhenua [Haumia] He kupu whakarite mō te aruhe. He aruhe, ko te aka o tūwhenua, ko te kai e ora ai te tangata (W 6). {(aka o te whenua), Haumiaroa2, Haumia-tiketike2}

2. [Tāne] Te tātā o tētahi tipu ka toro, ka piki, ka whiri, ka whakamau atu rānei ki tētahi mea hei toko i a ia. Tapahia atu ngā aka o te pikiārero e romi ana i te māhuri rā.

aka kiekie [Tāne] He aka piki rākau. Freycinetia Banksii.  kiekie

aka ngākau kiore [Tāne] He aka piki ki te kāuru o te rākau. Clematis cunninghamii.  ngākau kiore

aka tokai [Tāne] He aka hei here i te toki ki te kakau. Nā te kaha o te aka tokai i whakamahia ai hei here toki.

3. [Tāne] He aka piki rākau. Passiflora tetrandra.  pōhue (1)

4. [Tāne] He aka piri rākau. Metrosideros perforata.  akatea (2)

āka1

‑ngia ‑tia ‑nga ‑tanga [Tūmatauenga] mahw, ing, āhua. Ka āta tango i tētahi momo para i te mata ki tētahi taputapu koi, taputapu kaitara rānei. Ko te iwi o Kahuparoro ki te koko i te aruhe, ko te iwi o Rākaihikuroa ki te āka i te pei o te aruhe (W 6).  hāro (1)

āka2

[Ranginui & Papatūānuku] ing, āhua. Te kaha hiahia, te kaha wawata rānei kia hoki mai, kia kite anō rānei i tētahi kei wāhi kē. E kore e memeha te āka o te ngākau ki te hoa kua riro nei i a aituā.  aroha (3)