This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ahuahu1

1. ‑a ‑tia ‑ngia ‑ria ‑tanga ‑nga [Tūmatauenga] mahw, ing, āhua. Ka mahi kia whāiti mai ētahi mea ki tētahi wāhi kia puke iti te noho mai. Me ahuahu te oneone ki runga ake o te rua tūpāpaku. {ahu1 (3), apo, peti, pūranga, taka4 (4), takihakohako, whakaahu, whakaika, whakamātā, whakapae, whakarauika, whakataipū}

2. ‑a ‑ngia ‑nga [Papatūānuku] Ka haupū i te oneone huri noa i ngā tipu i te māra. Kei te āta ahuahu tōku koroua i ana rīwai māori kia kore ai e tīkona e te rā. {kāpui, tupuke, whakaeke}

ahuahu2

1. ‑a ‑tia ‑ngia ‑ria ‑tanga ‑ranga ‑nga [Papatūānuku] mahw, ing, āhua. Ka mahi i ngā mahi o ia rā, i ngā mahi auau rānei e mau tonu ai, e pai ake ai rānei te noho ora o tētahi mea. Tamaiti i ahuahua, ka ahuahu i āna ake ā tōna wā.  tiaki (1)

2. ‑a ‑tia ‑ngia ‑ria ‑tanga ‑ranga ‑nga [Tāne] Ka hanga (i tētahi mea) ki te oneone, ki te uku, ki tētahi atu hanga pērā rānei. (i) Ko Hineahuone te wahine tuatahi, i ahuahua ki te one i Kurawaka. (ii) He mea ahuahu tana pakoko ki te uku.  ahu2 (2)

ahuahu3

1. ‑nga [Rongo] mahp, ing, āhua. Ka heke haere, ka mimiti haere, ka kore e rite te nui, te pai rānei ki tō mua āhua. Arā kē te nui o tōna mana i mua, engari kua ahuahu ināianei, kua kore te iwi e whai i a ia. {harahara, kohakoha, ririo, tāharahara, taiharahara}

2. ‑nga [Ranginui] Ka heke atu (te rā) ki raro o te tūāpae. Kia ahuahu rawa te rā, ka kitea ngā whetū.  2