This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ahu1

1. [Papatūānuku] ing. Ētahi mea kua whakawhāitihia mai ki tētahi wāhi kia puke iti te noho mai. He ahu oneone nui tonu e noho mai ana i te taha o te rua.  haupū (3)

2. [Papatūānuku] He puke oneone iti noa i hangā e te ringa tangata ka whakamahia i roto i ētahi karakia. Tohinga mauritanga o pāpā mā ki mua ki te ahu (W 3).

3. ‑a ‑ngia ‑nga [Tūmatauenga] mahw, ing, āhua. Ka mahi kia whāiti mai ētahi mea ki tētahi wāhi kia puke iti te noho mai. Kātahi ka ahu rāua i tā rāua tūāhu (W 3).  ahuahu1 (1)

ahu2

1. ‑a ‑tia ‑ngia ‑ria ‑tanga ‑ranga ‑nga [Papatūānuku] mahw, ing, āhua. Ka mahi i ngā mahi o ia rā, i ngā mahi auau rānei e mau tonu ai, e pai ake ai rānei te noho ora o tētahi mea. He tino pai te mahi a tama ki te ahu i tana kūao hipi.  tiaki (1)

2. ‑a ‑tia ‑ngia ‑ria ‑tanga ‑ranga ‑nga [Tāne] Ka hanga (i tētahi mea) ki te oneone, ki te uku, ki tētahi atu hanga pērā rānei. (i) I ahua e Tāne te wahine tuatahi ki te oneone, ko ia tērā ko Hineahuone. (ii) E rua hāora ngā tamariki e ahu ana i tā rātou tangata hukarere, kātahi ka hoatu i te pōtae me te kāmeta. {ahuahu2, auaha, pokepoke1 (3), whakaahua}

ahu3

1. ‑tanga ‑nga [Tāwhirimātea] mahp, ing, āhua. Ka neke, ka haere rānei me te ū anō ki tētahi aronga kua whakaritea. (i) E ahu whakatetonga ana te waka rererangi, ko Ruapehu kei te taha mauī, ko Taranaki kei te taha matau. (ii) Ka tirohia hoki e Tautinimoko he ara atu mōna, ā, ka kitea e ia me ahu ia mā runga o te pari (IwiT 41:10). {anga1 (2)}

2. ‑nga [Tāwhirimātea] Ka anganui ki tētahi aronga. Me ahu te ihu o te waka ki te raki. {anga1 (1)}

ahu4

[Tāne] ing. He ingoa whānui mō ngā uwhi tinana ka whakamaua e te tangata.  kākahu (1)