This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



Mutu

[Ranginui] ing. Te pō toru tekau o te marama. Kua mate te marama, kua hinapōuri te ao. He kino mō te tiri kai, he āhua pai mō te tuna.  Mutuwhenua

mutu

1. ‑nga [Ranginui & Papatūānuku] maho, ing. Kua tae ki tētahi momo otinga, engari ā tōna wā pea ka rere anō. (i) Kia mutu te ua, ka puta tātou ki waho tākaro ai. (ii) Ina mutu ngā whaikōrero, ka haere atu te manuhiri ki te rūrū.

ka mutu [Tāne] hono. He kupu ka whakataki i tētahi kōrero hou e tautoko ana, e whakaū ana i te whakaaro kātahi tonu nei ka takoto atu. Kua tīmata ia ki te whare wānanga ahakoa tekau mā rima noa iho ōna tau, ka mutu, kei mua ia e haere ana i ērā atu ākonga o te tau tuatahi.  waihoki (2)

2. ‑nga [Tāne] maho, ing. Kua poto ake i te mea kua poroa tētahi pito. He ringa mutu, koirā te utu o te whānako. {koimutu, kōporo, moturere, 1, pore2, porepore, taparere}

3. ‑a ‑nga [Tūmatauenga] mahw, ing, āhua. Ka hopu (i te manu) ki te taputapu whai koromāhanga. Kua haere ngā tāne ki te mutu manu. {pae}

4. [Tūmatauenga] ing. He pae manu whai māhanga (mō te hopu manu).

mutu kākā [Tūmatauenga] He rākau roroa whai pae, whai karu māhanga, whai aho ka kawea haerehia hei hopu kākā. {peke kākā, tuke}

mutu kererū [Tūmatauenga] He pae manu whai karu māhanga hei hopu kererū.

5. [Tūmatauenga] He tao ka whiua ki te hoariri e whakatata mai ana, he wero, he tohu hoki.