This countdown requires you to have the latest Flash player - you can download it here.

He aha te kupu e kimi ana koe i te i-papakupu?

 
Te ahua o nga korero ka takoto: poto    roa



Kopu

[Ranginui] ing. Te aorangi noho tuarua mai i a Tamanuitera, he aorangi marama. Koia nei te ingoa ina rere i te ata po ki te rawhiti. (i) Ano ko Kopu ka puta ake i te pae nga karu o te maipi (W 138). (ii) Tauhokai ana Kopu i te ata (W 138). {Kopuparapara, Tawera}

kopu

1. [Tangaroa] ing. He ika wai maori e 20 henemita te tipu. Galaxias fasciatus.  kokopu (1)

2. [Tangaroa] He ika wai maori 15-24 henemita te tipu. Gobiomorphus gobioides.  kokopu (3)

3. [Tangaroa] He ika wai maori e 8 henemita te tupu, he rauwhero, he kiwikiwi parauri ranei te tinana, he tahekeheke kei te upoko, he taingoingo kei te tinana, he tawakawaka kei nga paihau. Gobiomorphus huttoni. {toitoi1 (4)}

kopu

1. ‑tanga [Ranginui & Papatuanuku] mahp, ing, ahua. Kua eke ki te nui, ki te maha ranei e taea ana (e tetahi mea) te pupuri. Kopu ana te ipu wai, ki te ringihia atu ano he wai ki roto, ka puhake.  ki2

2. ‑nga ‑ranga ‑tanga [Tane] Ka puku mai te kiri me te ki o taua puku i te wai, i te mea kua wera, kua roa rawa ranei e hikaia ana ki tetahi mea. Me mau karapu te kaikukume taura kia kore ai ana ringa e kopu.  hopupu

‑tanga [Tane] E kopa ana (te papa) i te wera o te ra, i te hauku ranei. Ka kopu te papa i te kaha o te ra (W 138).  korapa (4)

kopu

1. [Papatuanuku] ing. Te wahi o te tinana wahine, o te tinana whaereere ranei e tipu ai te kukune. Te tikanga, e iwa marama te pepi e tipu ana i te kopu ka whanau mai ki te ao. {ewe, kete} tangata (1)

2. [Tane] Te wahanga o te tinana kei raro atu i nga rara, kei reira e noho mai ana te puku me nga kopiro. Katahi a Hona ka inoi ki a Ihowa, ki tona Atua, i roto i te kopu o te ika (PT Hon 2.1). {hopara1, manawa, riu, takapu}

3. [Tane] Te wahi kikokiko o muri i te waewae i waenganui i te turi me te rekereke. Ka tupu tetahi mate kino whakarihariha ki te kopu o toku waewae (W 138).  tapuhau

4. [Tane] He momo kakahu roto. He kopu te puweru roto o nehera, he hingareti, he himi, he tarau iti etahi o te ao hou.