ttwlogo

6 Ākuhata 2012

He Pānui ki te Hunga Pāpāho

Ko tā ngā Tohu mō Te Reo Māori he Whakanui i Te Hiranga 

Kua kumea atu te rā kati mō ngā tono ki ngā Tohu mō Te Reo Māori ki te 5pm, Rāhina, 20 o Ākuhata. Tēnei te reo pōwhiri atu kia tukua mai ngā tono ināianei. E ai ki a Glenis Philip-Barbara, te Tumuaki o Te Taura Whiri i Te Reo Māori, i kumea ai te rā kati kia āhei te tini kaiwhakauru o tau kē, me ngā kaiwhakauru hou i huri mai ai ki te whakanui i te reo Māori, puta noa i te motu i tēnei tau.

“He hua pea tēnei nā ngā mahi whakatairanga ā-pāpāho o tēnei tau. He tini ngā whakapātanga mai a te tangata, kua tini piki te aronga mai o ngā teihana reo irirangi, pouaka whakaata, tae atu ki ngā niupepa, me ngā tini kaiwhakaputa pāpāho, i huri katoa mai i tēnei tau,” ki tā Glenis. “Anei tāku ki ngā kaiwhakauru katoa, ō mua kaiwhakauru, te hunga kātahi anō ka tomo mai, kia tukua mai ā koutou tono i mua i te 5pm o te Rāhina, 20 o ngā rā o Hereturikōkā”.

Ki tāna, “I whakatūria ngā tohu kia mihia, kia whakatairangatia ngā mahi a te hunga e kaha rawa nei ki te tautoko i te reo taketake o tēnei whenua, huri noa i te tau. He tohu motuhake anō hoki mō Te Wiki o Te Reo Māori,” te kī a Glenis Philip-Barbara. Ko ētahi o ngā tohu, mō te rāngai tūmataiti, mō te hapori, mō te kāwanatanga ā-rohe, mō ngā mahi pāho, mō ngā niupepa, mō ngā hangarau me ngā whakawhitinga kōrero, mō te mātauranga, mō te rāngai mātauranga tuatoru, me te Wiki o te reo Māori.

Ka kitea ā-ipurangitia ngā paearu me ngā puka whakauru mō ngā tohu i www.korero.maori.nz/news/mlw/awards .

Ka whakapuakina te Hunga Toa i ngā Tohu mō Te Reo Māori hei te Rāmere, 16 Nōema 2012 i te pō whakanui ka tū ki te TECT Arena, Baypark, ki Tauranga.

ENDS

Whakapā mai ki:
Nicky Birch
021 475 782
nickybirch@xtra.co.nz  

 


 

     



Māori Language Week is made possible with the support of:

Te Taura Whiri i te Reo Māori – Māori Language Commission
Te Puni Kōkiri – Ministry of Māori Development
Te Kāhui Tika Tangata – Human Rights Commission