ttwlogo

12 o Mahuru 2008

Panui Papaho 

 

Kua panuitia nga whiringa toa mo Te Wiki o te Reo Maori

I panuitia nga toa mo nga tohu o te Wiki Reo Maori i te ra nei. Koinei tetahi o nga Wiki Reo Maori kaha rawa te whakanui, a, e 36 nga whiringa toa i nga wahanga e iwa e whakataetae ana mo te toa matua.

“Nga mihi nui ki nga whiringa toa katoa, tae noa ki a ratou whakapaunga kaha me ta ratou u tonu ki te reo Maori,” te ki a Huhana Rokx, Kaiwhakahaere Matua o Te Taura Whiri i te Reo Maori. “Me mihi hoki ki a ratou katoa, nga whiringa toa, nga kaiwhakauru katoa, me te hunga i whai wahi, i tautoko hoki i nga te whakanui mo te Wiki o te Reo Maori. Whanui rawa te whakaatu a te hunga papaho i te Wiki o te Reo Maori me te manomano o nga ahuatanga whakanui i puta i te motu whanui.”

Anei nga toa e ai ki te wahanga i tono ai ratou: Hunga Ta – Gisborne Herald, Reo Irirangi – George FM, Whakaata Irirangi – TV3, Hapori – Ngaiterangi Iwi Runanga, Nga Kaunihera – Wellington City Council; Pakihi – Diagnostic Lab, Kawanatanga pu – Inland Revenue; Kura kohungahunga – Kids to Five on Somerset; Kura Tuatahi, Kura Waenganui – Albany Primary School; Kura Tuarua; Greymouth High School me John Paul 11; Nga Putahi Matauranga Tuatoru – Auckland University, Te Tohu Kairangi – TV3 me Ngaiterangi Iwi Runanga.

Ka panuitia nga toa matua mo nga wahanga e iwa, mo te tohu oroko (ara, mo nga tuatahi ki te whakauru mai) me te tohu kairangi (te toa o nga toa) i te ahiahi o Ramere, ra 12 o Mahuru, i te po whakanui i nga tohu mo te Wiki o te Reo Maori ka tu ki Poneke.

Ka huri te mihi ki nga kaitautoko – Te Kohanga Reo National Trust, Tahuhu o te Matauranga, Ma te Reo, Komihana a-Whanau, Kahui Tika Tangata, Cinco Cine Film Productions Ltd, Te Puni Kokiri, Korero Maori, Te Mangai Paho, Whakaata Irirangi Maori, UNESCO, me Te Taura Whiri i te Reo Maori.

I te tau e tu mai ana, ka whakanuia te marama reo Maori mai i te ra 16 o Pipiri ki te 16 o Hongongoi. Ko te kaupapa, ko te ‘Reo Maori i te Hapori’, te ki a Huhana Rokx

Ka Mutu
Whakapanga:
Nicky Cockburn Birch
021 475 782
nicky@tetaurawhiri.govt.nz