2 Hongongoi  2008

He Panui ki te Hunga Papaho 

Kua whakaputaina etahi rauemi hou mo te Wiki o Te Reo Maori  

Hei whakatairanga, hei tautoko etahi rauemi hou kua whakaputaina e Te Taura Whiri, i te reo Maori i te kainga. Koia tera te kaupapa matua mo Te Wiki o Te Reo Maori i tenei tau.

E ai ki te Kaiwhakahaere Matua o te Taura Whiri i te Reo Maori, a Huhana Rokx , “Ko Te Reo i te Kainga – Maori Language in the Home, te kaupapa nui mo te Wiki o Te Reo Maori, ka tu atu i te 21 o nga ra o Hongongoi ki te 27 o Hongongoi. Ina ra te whainga, he tautoko, he whakamanawa, he whakaara hoki i te wairua o te whanau i te kainga, i te hapori nui tonu kia korero, kia whakawhitiwhiti kupu korero ki te reo Maori, i a ratou e huri haere ana, otira i o ratou nekenekehanga ia ra,” te ki a Huhana Rokx.

Kei te mahi tahi matou me o matou hoa o Te Puni Kokiri, o te Kahui Tika Tangata, o Te Komihana a-Whanau, me te Ropu Matua o Te Kohanga Reo, ki te whakatairanga, ki te whakanui hoki i te wiki puta noa i te motu katoa. Kua oti etahi rauemi ma o tatou whanau hei tautoko i ta ratou whakamahi i te reo Maori i roto i a ratou mahi o ia ra," te ki a Huhana Rokx.

Kei roto i nga rauemi mo te Wiki o Te Reo Maori 2008 tetahi puka whaikano nui e kiia ana ‘Te Reo i te Kainga’, me ona whakapuaki awhina, ona kupu me nga momo mahi i te kainga, etahi tapiapia e wha, he panui whakaahua, he whariki whakapiri, he ti-hate, he pukuhau ra whanau, he pene koropana i taia ki te whakapuaki, me etahi atu mea.

“Kei te hokihoki tonu matou ki te whakahou i a matou wharangi pae tukutuku mo Te Wiki o Te Reo Maori, ki te whakaoho whakaaro i waenga i te iwi, ki te tuku parongo hoki mo te wiki me nga tikanga whakataetae mo nga tohu. Ko nga paearu matua ko te whakamahi auaha i te reo, te whakamahi i te reo i runga i te atamai, me te whai wahi mai o te iwi nui tonu,” te ki a Huhana Rokx.

Mo etahi atu korero peka mai ki www.koreromaori.co.nz

Ka mutu

Whakapa mai ki a:
Nicky Cockburn Birch
021 475 782
nicky@tetaurawhiri.govt.nz