25 Pipiri 2008

He Panui ki te Hunga Papaho

 

Ka tuihono a www.taranakireo.co.nz ki te ipurangi

E nga iwi o te motu tena koutou katoa.Tenei a Te Reo o Taranaki te whakamohio i a koutou, i te ao, kua tuihono tona reo ki te ipurangi. No nga tau o te waru tekau i timata ai a Te Reo o Taranaki, hei whakapakari i te mita o te reo o Taranaki i roto i ona hapu. Kua hipa atu te 20 tau, a, ka u te titiro inaianei ki te tukunga iho o te reo, mai i tetahi whakatupuranga ki tetahi, i te kainga, i te whanau, me te iwi nui tonu.

Na tetahi o nga Kaikomihana o Te Taura Whiri i te Reo Maori, na Ruakere Hond tetahi wahi o nga mahi ki te hua i tetahi rautaki reo mo Te Reo o Taranaki i awhina. I roto i nga tau ka noho ko te hanga pae tukutuku tuihono tetahi o nga kokiri matua, a, i whakatinanatia hei whakawhanake, hei whakapakari hoki i te reo o Taranaki.

`Kei te tino hiahia a Te Taura Whiri i te Reo Maori ki te awhina i nga kokiri a-iwi mo te reo, otira ki te tautoko i nga whakahaere penei i Te Reo o Taranaki. E eke ai te reo Maori hei reo korero mo ia ra, ia ra i Aotearoa, me tino tautoko nga iwi i o ratou kainga, i roto i nga hapu me nga whanau,' e ai ki a Huhana Rokz, te Kaiwhakahaere Matua o Te Taura Whiri i Te Reo Maori.

‘Ahakoa he marama tonu kua kore haere te reo Maori e rere ki te Po, he taumaha tonu nga mahi kei mua i aroaro. Me matua hopu, me matua whakapumau, whakapakari hoki i nga reo a-iwi, koira te putake e u ai te whanaketanga reo o nga whanau, o nga hapu me nga iwi a nga ra e tu mai nei. Ka pai kia kite i nga iwi me nga hapu e hapai nei i tenei pikauranga taumaha, koia ka mihi atu nei ki Te Reo o Taranaki,' te ki a Huhana Rokx.


Ka mutu

Whakapa mai ki a:
Nicky Cockburn Birch
021 475 782
nicky@tetaurawhiri.govt.nz