15 Hongongoi 2008

He Panui ki te Hunga Papaho

Kua whai wahi mai a Air NZ ki te whakatairanga i Te Reo Maori  

I tenei ra ka hainatia e Te Taura Whiri i te Reo Maori tetahi kirimana ki a Air New Zealand.

E ai ki a Huhana Rokx, Kaiwhakahaere Matua o Te Taura Whiri i te Reo Maori “he whainga wahi nui tenei ma nga whakahaere e rua ki te whakatinana i to maua hiahia ki te whakapumau, ki te whakapakari hoki i te reo Maori i Aotearoa, otira i te ao nui tonu”.

Ma roto i tenei kirimana ka whakamahia, ka whakatairangatia hoki te reo i roto i nga waka rererangi, nga tauranga rererangi, me nga huihuinga kaipakihi o Air NZ. Kei te aronui a Te Taura Whiri i te Reo Maori me Air NZ ki nga ara e huri mai ai te iwi nui tonu ki te manaaki i te reo. Kei te hiahia hoki nga whakahaere e rua ki te whakatairanga i nga kokiri whakapiki i nga ahuatanga Maori i roto i Air New Zealand.

E ki ana a Huhana Rokx, “Ka mahi tahi matou ki te tautuhi me te whakatinana i etahi kokiri, ko te reo Maori te kaupapa ake.Te tumanako ka marama tonu te tangata, te umanga ranei ki nga tikanga e taea ai nga tikanga arumoni o tetahi whakahaere te kawe, ma roto i te reo. Me hari tatou ka tika kua whai mana a Aotearoa i nga ahuatanga ahurei o tenei motu: otira ko te reo Maori me nga tikanga etahi tohu rereketanga e rua hei koha ma tatou, te hunga o tenei whenua, ki te ao nui tonu.” “Ka whakanui tatou i te Te Wiki o Te Reo Maori me Air NZ a te Paraire, 25 o nga ra o Hurae i Tamaki-makau-rau, ki tetahi whakataetae haka, ko Temuera Morrison te kaiwhakawa, whai i muri ko te hangi ma nga kaimahi katoa,” te ki a Huhana Rokx.

Ko nga hoa o Te Taura Whiri i te Reo Maori mo Te Wiki o Te Reo Maori, ko Te Puni Kokiri, ko te Kahui Tika Tangata, ko Te Komihana a-Whanau, me te Ropu Matua o Te Kohanga Reo.

Ka mutu


Whakapa mai ki a:
Nicky Cockburn Birch
021 475 782 
nicky@tetaurawhiri.govt.nz