Whakamarama

Nau mai, piki mai ki te i-papakupu, e kitea ai etahi kupu e 8,000 kua whakamaoritia mo He Pataka Kupu, te papakupu reo Maori hou a Te Taura Whiri ka puta a te Mahuru 2008. He tipakonga kupu noa iho tenei – he takahanga tuatahi; a tona wa ka utaina mai nga kupu katoa o He Pataka Kupu ki te pae tukutuku nei.

Kua eke tenei ki te wa e riro ai ma te reo Maori tonu e whakaahua tona ao, me tana titiro ki tona ao. Ko He Pataka Kupu te papakupu Maori tuatahi ma te hunga kua maro haere te takahi i te huarahi whai i te reo, ko ona korero katoa kei to tatou reo rangatira. E tata ana ki te 24,000 nga kupu, nga aronga kupu ranei o te ao tawhito, o te ao hou, o te ao Maori, o te ao nui tonu, e whakamaramatia ana i te papakupu nei. Kua takoto ano he tauira ki te nuinga, e kitea ai te noho mai o te kupu ki te karero.

 
He Pataka Kupu - te kai a te rangatira
  
Ko 'He Pataka Kupu - te kai a te rangatira' te papakupu reo Maori anake tuatahi kua hangaia ma nga pakeke. Awhiwhi 24,000 nga whakaurunga kupu a, ka tu te papakupu reo Maori hei rauemi reo Maori ki rawa hei awhina i nga kaikorero tino matatau me nga akonga hoki.
 
Nga korero e pa ana ki te mahi hoki i He Pataka Kupu:
  • E watea ana nga putanga mangohe, maro hoki o He Pataka Kupu mai i nga toa pukapuka matua.
  • $65 te utu mo nga kape maro te uhi (kua tapirihia te take hokohoko). $40 te utu mo nga mea mangohe te uhi (kua tapirihia te take hokohoko).
  • Ka taea te hoko i nga papakupu i nga toa pukapuka matua, ma te i-mera ranei ki a Unity Books: books@unitybooks.co.nz .
  • Ka taea e nga kaihoko o waho o Aotearoa te hoko i te papakupu nei ma tenei hono: nzbooksabroad.com
  • E taea ana e nga toa pukapuka katoa te ota hangai mai i te kaita i te papakupu. Tera pea me tono koe i te toa pukapuka kia whakaritea e ratou. Ko te tikanga kaore e nui ake te utu.