Makorea puka

Makorea

Kei te rau atu nei he korero e pa ana ki te rauemi irirangi hou ma nga wharekura me nga kaikorero reo Maori, kia rongo atu i tetahi pakiwaitara o nga wa o mua.

E iwa nga wahanga, he ahua waru meneti te roa o ia wahanga.

Whakarongo:


Anei he korero whakamarama na Menu Maui, no Ngai Tuhoe

MAKOREA na Menu Maui, no Ngai Tuhoe

Na Katerina Te Heikoko Mataira te pukapuka i tuhi, nana ano hoki i tuhi te whakaari a-irirangi.

He mihi tenei ki a Katerina mo tenei whakaari a-irirangi, he korero parekura, mamae, waimarie, aroha, he aha atu i tua atu i tera.

He tuku mihi atu hoki ki a “Korero Mai” mo te putea i oti ai tenei kopae, me “Te Upoko o te Ika” mo te wahi hopu i nga reo, te kaituitui, te kaihonohono i nga reo korero, me te whakauru atu i nga oro ki muri i nga korero.

Mo te mahinga o tenei whakaari, miharo ana ahau ki te mahi tahi i te taha o nga kaikorero, he tuatahi tenei momo mahi whakaari mo etahi o ratou, mo etahi kua waia ke.

Ha . . he aha hoki tera. . kei te omaoma hokeka te iwi !
E hingahinga ana!
Ehara tera i te manuhiri . . he taua ke!

He ngawari hoki te mahi hai ringa tohu mo te kopae nei, ki te hopu i nga reo, ki te whakarongo ki nga katakata, ki nga hapa, ki te rongo hoki i te rere o te reo e taka noa mai ana i te arero. Mo etahi o nga kaikorero, koinei to ratou reo tuarua, engari miharo tonu ana ki a ratou mahi tino ataahua.

Nahau taua e ora ai! Na to takaroa i te heketua.
Tino tika tena! Na te ngau o taku puku taua i ora ai.

He maha nga po e mahi ana ki te tuitui, ki te honohono i nga reo, i muri o te haerenga o nga kaikorero. Ki ahau, koinei ke te tino mahi.

I ohorere te katoa i te hinganga o Nga Roimata ki te papa me te waiata tangi a Te Whe.

Ka rongohia te mamae mai i te mahi a te parekura a nga ope taua. Ka mohiotia e koe te mokemoke, te rongo o te aroha, mai i nga Makorea.

Kihai te harakoa me te aroha i huna.
Tiro mai, tiro atu me te kai o nga karu i te wahine purotu, i te tane purotu. Katahi ano nga puhi ra ka rongo ki te ahuareka o te kiri ki te kiri,
kia ngaro nga mahara i runga i te tai pari me te tai timu o te aroha.